سُستی و کاہلی

آدمی ہوتا ہے مجموعہ کئی اچھی بُری
باتوں کا جو ہوتی ہیں نقصان دہ یا کہ مفید
ناقص ہوتی ہیں جو باتیں ان میں اک سُستی بھی ہے
سُستی ہے اتنی قبیح کہ سُست خود چاہتا نہیں
لوگ دیں اُس کو لقب، "یہ سُست ہے اِک آدمی"
پر "کل کروں گا "،"اب نہیں " ، "پھر کبھی سہی" ، "ہوں دیکھتا"
"اِتنی جلدی بھی ہے کیا" ، "ابھی مُوڈ میرا ہے نہیں"
"آنا کل"، ہیں ایسے جملے جو بتاتے ہیں ہمیں
سُست ہے یہ آدمی، افسوس کام ہم کرتے ہیں
سیکنڈوں کا منٹوں پر،گھنٹوں پہ ٹالیں منٹوں کا
کام گھنٹوں کا دنوں پر اور دنوں کا ہفتوں پر
اور ہفتوں کا مہینوں پر ہیں دیتے ٹال ہم
پھر بھی احساسِ زیاں ہم کو ذرا ہوتا نہیں
مشؔہود رکھ لے دِل میں اپنے ایک پختہ بات یہ
سُستی ہو یا کاہلی ہو، دونوں ہی منحوس ہیں