شک و شبہات ہیں تو سوالات کیجئے

شک و شبہات ہیں تو سوالات کیجئے
بے رخی نہ برتیں، ہم سے بات کیجئے

رقیب کے پہلو میں رہیں، ہم سے دوریاں
یوں جفاؤں کی نہ شروعات کیجئے

تڑپ رہے ہیں ایک جھلک دیکھنے کو ہم
الزام لگانے کو ملاقات کیجئے

بادِ صبا ! ان کو میرا حال دے کے کہہ
آکر تمام اشکوں کی برسات کیجئے

کھینچ لائی دل کی لگن، در پہ سوالی
مل تو لیں آکر، نہ التفات کیجئے

شمع بھی رو رہی ہے مجھے دیکھ کر ریاض
شکوے گلوں میں ختم، یوں نہ رات کیجئے