صبح سویرے
Poet: UA By: UA, Lahoreیاد آئی وہ بات مجھے پھر صبح سویرے
بھولی بسری بات مجھے پھر صبح سویرے
سورج کی پہلی کرن جو اتری آنگن میں
کرنوں کی برسات لئے پھر صبح سویرے
دھوپ کی پہلی کرن سے پہلے آنگن میں
طائر اترے سوغات لئے پھر صبح سویرے
بلبل چڑیا اور کوئل کے میٹھے سریلے نغمے
جیسے کہ سر سات سنے پھر صبح سویرے
باد سحر کے نرم شبنمی جھونکوں سے
شاداب ہوئے پھولوں کے ہاتھ پھر صبح سویرے
قدرت نے عنایت کی ہیں کیا کیا سوغاتیں
سبحان اللہ کلمات کہے پھر صبح سویرے
عظمٰی قدرت کے نظارے آ کے تم بھی دیکھو
پھولوں کی حسیں برسات کہے پھر صبح سویرے
یاد آئی وہ بات مجھے پھر صبح سویرے
بھولی بسری بات مجھے پھر صبح سویرے
Rate it: 
Views: 895
29 Feb, 2012
More General Poetry
