لکیر عشق کی دل سے مٹا نہیں کرتی
Poet: Shahzad Shakir By: Shahzad Shakir, Lahoreلکیر عشق کی دل سے مٹا نہیں کرتی
مگر وہ آنکھ کہ اس کو پڑھا نہیں کرتی
کدورتوں سے بھری ہے صراحی دنیا کی
کسی کا جام محبت بھرا نہیں کرتی
تمہاری خوشبو ہوا میں بکھر گئی ہو گی
ہمارے دست طلب پر رکا نہیں کرتی
مرا ہی یار یہ کہتا ہے بھول جاؤ مجھے
وفا نصیب کسی کا ہوا نہیں کرتی
بہار رت کے پجاری تجھے یہ کون کہے
ربیع ایک کنارے رکا نہیں کرتی
Rate it: 
Views: 849
11 Jun, 2008
More General Poetry
