لہو رائیگاں نہ جائے گا

معصوم شہیدوں کا لہو رائیگاں نہ جائے گا
دیکھنا اک روز ظالم کیسے منہ کی کھائے گا

مال و نسب اور ظلم کی طاقت پہ جو اترائے کا
وہ شقی القلب ٹھوکر ایک دن تو کھائے گا

کب تلک کوئی جہاں میں تاابد زندہ رہے گا
جی لے جتنا جینا ہے آخر مر جائے گا

ہاں مگر پہلے یہ سوچے ظالم و جابر کوئی
اپنے رب سے کس طرح اپنے ظلم چھپائے گا

کیسے اپنا منہ اپنے رب کو وہ دکھائے گا
معصوم شہیدوں کا لہو رائیگاں نہ جائے گا
دیکھنا اک روز ظالم کیسے منہ کی کھائے گا