ماں جائے سے ڈَر لگتا ہے
Poet: Arbab Bazmi By: Arbab Bazmi, More Eminabad GUJRANWALAماں جائے سے ڈَر لگتا ہے
اَب سائے سے ڈَر لگتا ہے
جِس میں چاہت نہ ہو شامل
اُس چائے سے ڈَر لگتا ہے
گھومے تھے ہم جس جس جا ، اَب
اُس جائے سے ڈَر لگتا ہے
مظلوموں کے دِل سے نِکلی
اِک ہائے سے ڈَر لگتا ہے
اِک دُوجے کے دُشمن ہیں سب
ہمسائے سے ڈَر لگتا ہے
بچھڑیں جس سے پیار بھرے دِل
اُس رائے سے ڈَر لگتا ہے
جھلسائے جو تَن مَن بزمی
اُس سائے سے ڈَر لگتا ہے
Rate it: 
Views: 609
25 Apr, 2011
More General Poetry
