ماں رہسے تے خوشیاں رہسن
Poet: Khalid Pervez By: Khalid Pervez, Sialkot, Pasrur, Saukin Windماں رہسے تے خوشیاں رہسن نہ رہسن دیوں ماں
ماں باہجوں کوئی غم دی دھپے نئیوں کردا چھاں
ماں جے اتھرو ڈوہلے تے فر عرش وی رب دا ہلدا اے
ماں دی خدمت کرن والے نوں صلہ دو جہانی ملدا اے
ماں دا رتبہ جس بنایا اس توں صدقے جاں
ماں باہجوں کوئی غم دی دھپے نئیوں کردا چھاں
پُت پردیسی جس ویلے ہووے ماں دعانواں کردی اے
کنڈا چبھیاں پیر چ تک ہوکے ہانواں پردی اے
جد وی شے کوئی ماں توں منگوں کدے نئیں کردی ناں
ماں باہجوں کوئی غم دی دھپے نئیوں کردا چھاں
راتیں اٹھ اٹھ دودھ پلاوے کہٹ کے سینے دے نل لاوے
اٹھدی بیندی تک دی رہندی لکھ واری او صدقے جاوے
آپ سو جائے گھلے پاسے رکھے پت نوں سکی تھاں
ماں باہجوں کوئی غم دی دھپے نئیوں کردا چھاں
ماں جے ہووے اکھ توں اوہلے وہیڑا دل دا خالی لگدا اے
نئیں آوندا ہاسا بلیاں اہتے کوئی انج دا جندرا وجدا اے
سچی گل وے خالد دوجا روپ وے رب دا ماں
ماں باہجوں کوئی غم دی دھپے نئیوں کردا چھاں
