ماں کے نام
Poet: By: Muhammad Baber Zaman, Sahiwalتیرے باہجوں ایہہ دکھ دِل دا دَس میں کنوں کاں
ماں تُوں یاد آئونوں ہٹدی ناں
تیرے باہجوں ایہہ دکھ دِل دا دَس میں کنوں کاں
ماں تو چیتے آئونوں ہٹدی ناں
ماں تو یاد آئونوں ہٹدی ناں
خیراں منگدی رہندی سئیں توں میرے سِر دیاں مائیں
جا وے پترا تینوں اللہ عرشاں دے رنگ لاوے
میری دولت عزت شہرت سب کجھ تیرے ناں
ماں توں چیتے آئونوں ہٹدی ناں
ماں توں یاد آئونوں ہٹدی
اک واری چل خواب چ آجا آ کے سینے لا جا
جیڑا پانبڑ بلدا اے مائیں آ کے آپ بجھا جا
تیری یاد چ اتھرو کیراں جد وی کلا باں
ماں تو چیتے آئونوں ہٹدی ناں
ماں توں یاد آئونوں ہٹدی ناں
ماں جیا گھن چھاواں بوٹا مینوں نظر نہ آوے
اس توں لے کے چھاں ادھاری رب وی بہشت بناوے
تیرے ہندیاں تیری قدر نوں کوئی جانے ناں
ماں توں چیتے آئونوں ہٹدی ناں
ماں توں یاد آئونوں ہٹدی ناں
Rate it: 
Views: 1142
27 Apr, 2013
More Sad Poetry
