مجھے احساس دے دو نا

کوئی سپنا کوئی جگنو
کوئی تتلی کوئی موتی
نہیں ان کی کوئی خواہش
مجھے بس اتنا کہہ دو نا
مجھے تم پیار کرتے ہو
مجھے احساس دے دو نا
مجھے تم پیار کرتے ہو
نہ بندیا ہو نہ پائل ہو
نہ کنگن نہ کوئی گہنا
فقط تم سنگ ہمارے ہو
نہیں چاہت تمہیں
اک پل بھی میرے ساتھ
چلنے کی
نہیں مانگا یہ سب تم سے
مجھے بس اتنا کہہ دو نا
مجھے تم پیار کرتے ہو
مجھے احساس دے دو نا
مجھے تم پیار کرتے ہو
تمہارے پیار کی پتوار تھامے
چل پڑوں گی میں
نہ ہو منزل میری کوئی
یہ جیون جی ہی لوں گی میں
فقط اتنا تو کہہ دو نا
مجھے تم پیار کرتے ہو
مجھے احساس دے دو نا
مجھے تم پیار کرتے ہو