مرے ساتھ سیرِ چمن کبھی، تمھیں یاد ہو کہ نہ یاد ہو
Poet: Akhtar Muslimi By: Nadeem Ahmad, Azamgarhمرے ساتھ سیرِ چمن کبھی، تمھیں یاد ہو کہ نہ یاد ہو
وہ فضا، وہ چاند، وہ چاندنی تمھیں یاد ہو کہ نہ یاد ہو
وہ سرور و کیف کی سرخوشی وہ سرور و نغمہ کی دل کشی
وہ مئے نشاط کی بے خودی تمھیں یاد ہو کہ نہ یاد ہو
پسِ پردہ آنکھ مچولیاں وہ کبھی عیاں وہ کبھی نہاں
وہ نگاہِ شوق کی بے کلی تمھیں یاد ہو کہ نہ یاد ہو
تھیں تمہاری جس پہ نوازشیں کبھی تم بھی جس پہ تھے مہرباں
یہ وہی ہے اخترِؔ مسلمی تمھیں یاد ہو کہ نہ یاد ہو
Rate it: 
Views: 485
28 Aug, 2015
More General Poetry
