مِرے دل کی دنیا بڑی پُر سکوں ہے
Poet: بلال شیخ By: Bilal Sheikh, Lahoreمِرے دل کی دنیا بڑی پُر سکوں ہے
کہ چاہے محبت کا اِس میں فسوں ہے
نگاہ ِ محبت میں تجھ سے کہا تھا
کہانی دوانے محبت کی یوں ہے
مجھے چھوڑ کر جانے والے سفر میں
دکھاؤں تجھے کیسا زخم ِ دروں ہے
بتاؤ کہ کس بات پہ غم زدہ ہو ؟
کہ کیوں تیری آنکھوں میں اشکوں کا خوں ہے
بلال اِک کہاوت پُرانی سنوگے
محبت جنوں ہے جنوں ہے جنوں ہے
Rate it: 
Views: 699
04 Dec, 2015
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
