میری آنکھیں پَرنم رہتی ہیں

تمہیں میری نوک مژگاں پہ ٹھہرے
اشکوں کے موتی بہت اچھے لگتے ہیں
تمہیں میری آنکھوں میں اشک بہت اچھے لگتے ہیں
اسی لئے میری یہ آنکھیں پَرنم رہتی ہیں
تم کہتے ہو تمہاری بھیگی پلکوں میں
سحر کا اَجلا پن دمکتا ہے
تمہاری آنکھوں کی سَرخیوں پہ آنسوؤں کا عکس
شبنم کے قطروں کی طرح چمکتا ہے
جنھیں دیکھ کے میرا دل دھڑکتا ہے
تمہارے آنسو اپنی پلکوں پہ سجانے کو بہکتا ہے
تمہیں میری نوک مژگاں پہ ٹھہرے
اشکوں کے موتی بہت اچھے لگتے ہیں
تمیں میری آنکھوں میں اشک بہت اچھے لگتے ہیں
اسی لئے میری یہ آنکھیں پَرنم رہتی ہیں