میری حیات کو وہ جاگیر مل گئی

مل گئی خوابوں کو تعبیر مل گئی
میرے تخیلات کی تصویر مل گئی

وہ خوشی ملی جو پہلے نہ ملی تھی
میری متاع میری جاگیر مل گئی

صد شکر میرا انتظار رنگ لایا ہے
میرا نصیب میری تقدیر مل گئی

جو مجھے رستے سے بھٹکنے نہیں دیگی
میرے دست و پا کو ایسی زنجیر مل گئی

باندھ رکھے گی مجھے میرے وجود سے
میرے تصوروں کو جو تصویر مل گئی

مدت سے جسکی منتظر میری حیات تھی
میری حیات کو وہ جاگیر مل گئی

عظمٰی میری دعا کو کسی کی دعاؤں سے
آخر قبولیت کی تاثیر مل گئی