میری دنیا میں پھر سے جاوداں ہونے لگا محسن

میری دنیا میں پھر سے جاوداں ہونے لگا محسن
شعورِ بندگی بن کر رواں ہونے لگا محسن

خوشی سے جھومتی ہوں جب اسے محسوس کرتی ہوں
عجب ہے کیفیت میرا گماں ہونے لگا محسن

خیال فکر ہو یا ہو شعورِ زندگی میرا
میری آنکھوں سے چہرے سے عیاں ہونے لگا محسن

زمانے کی فکر مجھ کو نہیں اس دشت ویراں میں
سفینے کا میرے اب بادباں ہونے لگا محسن

معجزہ ہوگیا شاہد دل وشمہ کے آنگن میں
کوئی چپکے سے آیا اور دھواں ہونے لگا محسن