میمو گیٹ

حاکم وقت تیری ہیں نا دانیاں
دیس میرے پہ اٹھتی ہوئی انگلیاں
مت یہ سمجھو کہ لوگوں میں دم خم نہیں
ہم ہیں کہتے کسی سے بھی ہم کم نہیں
کیسے کہہ دیں کہ ہم تم پہ برہم نہیں
میری قسمت بنی تیری ناکامیاں
حاکم وقت تیری ۔۔۔۔۔۔۔۔۔۔۔
دیس میرے۔۔۔۔۔۔۔۔۔۔۔۔۔
کیا دیا میرے لوگوں کو تم نے بھلا
عہد جمہور میں سازشوں کا صلہ
کیوں نہ اہل وطن کو ہو تم سے گلہ
تم نت بڑھائیں ان کی پریشانیاں
حاکم وقت تیری ۔۔۔۔۔۔۔۔۔۔۔
دیس میرے۔۔۔۔۔۔۔۔۔۔۔۔۔
تم نے غیروں کو اپنا نگہباں کیا
دشمنان وطن کوبھی مہماں کیا
کس قدر قوم کا داغ داماں کیا
خون ناحق کی دیکھو یہ طغیانیاں
حاکم وقت تیری ۔۔۔۔۔۔۔۔۔۔۔
دیس میرے۔۔۔۔۔۔۔۔۔۔۔۔۔
کیسے کیسے ہمیں تم نے رسوا کیا
اپنی ہی فوج کو ہم سے لڑوا دیا
بم دھماکوں نے شہروں کو لرزا دیا
میرے گلیوں محلوں میں ویرانیاں
حاکم وقت تیری ۔۔۔۔۔۔۔۔۔۔۔
دیس میرے۔۔۔۔۔۔۔۔۔۔۔۔۔
میری عرض وطن سے اڑتے رہے
خون میرے ہی لوگوں کا کرتے رہے
جھوٹ پر جھوٹ تیرا بھی سنتے رہے
میرے لوگوں کی آںکھوں میں حیرانیاں
حاکم وقت تیری ۔۔۔۔۔۔۔۔۔۔۔
دیس میرے۔۔۔۔۔۔۔۔۔۔۔۔۔
فوج اپنی پہ الزام دیتے ہو کیوں
غیر کا جا کے اب نام لیتے ہو کیوں
نامہ بر کو بھی بدنام کہتے ہو کیوں
عدلیہ کو بھی دیتے ہو کیوں گالیاں
حاکم وقت تیری ۔۔۔۔۔۔۔۔۔۔۔
دیس میرے۔۔۔۔۔۔۔۔۔۔۔۔۔
اتنی قیصر کی تم سے ہے یہ التجا
قوم میری سے اتنا کرو تم بھلا
کرادو بس اب تم الیکشن نیا
دیکھی جاتی نہیں تیری بدنامیاں
حاکم وقت تیری ۔۔۔۔۔۔۔۔۔۔۔
دیس میرے۔۔۔۔۔۔۔۔۔۔۔۔۔