میں ایسی نئی صبح کا متمنی ہوں

میں ایسی نئی صبح کا متمنی ہوں
جس صبح سورج کہ ماتھے پر کوئی دکھ زدہ شکن نہ ہو
اپنی جلوہ گری پر کوئی شرمندگی نہ ہو
خیرہ کردہ روشنی سے اپنی آنکھیں نہ چرانی پڑیں

میں ایسی نئی صبح کا متمنی ہوں
جس صبح کی خبر میں
رات کا کوئی ڈراؤنا قصہ نہ ہو
کسی کہ قتل کا کسی کی آبروریزی کا حصہ نہ ہو

میں ایسی نئی صبح کا متمنی ہوں
اﷲ اکبر پر سب بے خوف لبیک کہیں
کسی گھر میں ڈرو خوف کا پہرہ نہ ہو
کوئی فردگھر سے نکلتے ڈرتا نہ ہو

میں ایسی نئی صبح کا متمنی ہوں
گولیوں کی گھن گرج نہ ہو
سڑکوں پہ گاڑیوں کہ جلنے کی خاک نہ ہو
ہر طرف خوف و ہراس نہ ہو

میں ایسی نئی صبح کا متمنی ہوں
نفرتوں کا کسی کو پتہ نہ ہو
زبانوں اور فرقوں میں دل بٹا نہ ہو
محرم ہو یا ربیع الاول کوئی خوف کا مارا نہ ہو

میں ایسی نئی صبح کا متمنی ہوں
ایمان کی تفریق نہ ہو ، کوئی سوداگری نہ ہو
آئین و قانون کہ پیرو کاری ہو
کہیں چوری چکاری نہ ہو

میں ایسی نئی صبح کا متمنی ہوں
کوئی بھیکاری نہ ہو، کوئی بیماری نہ ہو، کوئی بیچاری نہ ہو
نامعلوم افراد سے چھٹکارا چاہتا ہوں

میں ایسی نئی صبح کا متمنی ہوں
میں ایسی نئی صبح چاہتا ہوں