میں کہاں اور میرا یار کہاں

میں کہاں اور میرا یار ۔۔۔۔۔۔۔۔کہاں
جُڑ گئے ہیں دلوں کے تار۔۔۔۔۔۔ کہاں

معجزہ دیکھئے ۔۔۔۔۔۔۔۔۔۔۔۔محبّت کا
گلُ کہاں کھل رہے ہیں خار۔۔۔۔ کہاں

دوستو شکریہ۔۔۔۔۔۔۔۔۔۔ نصیحت کا
پر مجھے دل پہ اختیار ۔۔۔۔۔۔۔۔۔کہاں

جب سے پھیری ہے اُس نے۔ نظرِ کرم
اِن شرابوں میں ہے خُمار۔۔۔۔۔ کہاں

وہ جو بیٹھا ہے یاد میں۔۔۔۔۔۔۔ تیری
ہے اُسے فکرِ روزگار۔۔۔۔۔۔۔ کہاں

لے کے یادوں کا تیری۔۔۔ ۔سرمایہ
آگیا موسمِ بہار ۔۔۔۔۔۔۔۔۔۔کہاں

زخم تازہ ہیں آج بھی۔۔۔۔۔ میرے
حُسن پر وہ مگرنِکھار۔۔۔۔۔۔۔ کہاں

دل دیا ہے توجان بھی۔۔ دے دے
ایسے سودے میں ہے اُدھار۔۔ کہاں

دل کے بدلے میں چاہتا ہوں ۔۔دل
ایسا ہوتا ہے کاروبار۔۔۔۔۔۔۔ کہاں

روز ہوتا ہے آر پار ۔۔۔۔۔۔۔یہ دل
اہلِ دل کے لئے قرار۔۔۔۔۔۔ کہاں

یہ سب تمہارا ہی فیض ہے۔۔ جاناں
میں کہاں یہ فرازِ دار ۔۔۔۔۔۔کہاں

جان دے دیں گے مُسکراتے ہؤئے
عشق ہوتا ہے اَشکبار ۔۔۔۔۔کہاں

عشق میں یہ خیال ہی۔۔۔۔۔ نہ رہا
رہ گیا زندگی کا بار ۔۔۔۔۔۔۔کہاں

اب تو ہےاِنتظار بس۔۔۔۔۔۔ اپنا
اب مجھے اُس کا اِنتظار۔۔۔۔۔ کہاں

اب گھڑی دو گھڑی کا ۔۔قصہ ہے
اتنی مجھ میں ہے اب سہار۔۔کہاں

آپ نکلے ہیں ڈھونڈھنے۔ جس کو
اُڑ گیا بن کے غُبار۔۔۔۔۔۔ کہاں

دور تک دھوپ یاس کی ہے وسیم
عشق میں شجرِ سایہ دار۔۔۔ کہاں