نظر سے نظر تم ملا کر تو دیکھو

نظر سے نظر تم ملا کر تو دیکھو
ذرا تم نظر کو اٹھا کر تو دیکھو

نظر میری تم پہ ہے کب سے او پیارے
او جان نظر مسکرا کر تو دیکھو

نظریں بچھاؤں گا راہوں میں تیری
مجھے بھی نظر میں بٹھا کر تو دیکھو

نظر ہی نظر میں سمجھ جاؤں گا سب
نظر کی نظر کو سنا کر تو دیکھو

نظر میں اترنا ہے کتنا ہی آساں
نظر تا جگر راہ بنا کر تو دیکھو

نظر میں ہی رکھوں گا تیری نظر کو
نظر کو ذرا تم چھپا کر تو دیکھو

نظر کی نظر کو نظر نہ لگے گی
نظر کی نظر تم لگا کر تو دیکھو

فقط میں گراؤں گا نظروں سے تم کو
نظر پھیر کر دور جا کر تو دیکھو