نغمے تو رکھ لئے ہیں ساز بیچتے ہو
Poet: Mazhar Iqbal Samar By: Mazhar Iqbal Samar, kharian-gujratنغمے تو رکھ لئے ہیں ساز بیچتے ہو
تم کیسے راز داں ہو راز بیچتے ہو
سماعت منتظر ہے میری جانے کب سے
تم ہو کہ خاموشیوں کی آواز بیچتے ہو
بھری محفل میں غرور ہے یہ کیسا
کیا نازاں ہو اس پر تم کہ ناز بیچتے ہو
دیوانے ہو اگر تو صحرا سے رکھ آشنائی
کیوں محبتوں کے انداز بیچتے ہو
بزم سے تیری نکلا ہوں تو کیوں اب
بہانے ڈھونڈتے ہو جواز بیچتے ہو
مظہر حیران ہوں کہ جیون سمیٹ کر
اب کیوں دعائے عمر دراز بیچتے ہو
Rate it: 
Views: 918
19 Aug, 2009
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
