نہ ضرورت نہ سہولت سے کیا جاتا ہے

Poet: رؤف تبسم By: Rauf Tabassum, Quetta

نہ ضرورت نہ سہولت سے کیا جاتا ہے
عشق در اصل عقیدت سے کیا جاتا ہے

آج کے دور میں نفرت کو ملا خوب عروج
اک یہی کام ہی نیت سے کیا جاتا ہے

گو تعلق نہ رہا, اب بھی مگر محفل میں
تذکرہ تیرا شرارت سے کیا جاتا ہے

میں شب و روز اسے یاد تو کرتا ہوں مگر
کام یہ اس کی اجازت سے کیا جاتا ہے

اب تبسم نہ رہی ندرت افکار کی قدر
فیصلہ فن کا بھی شہرت سے کیا جاتا ہے

Rate it:
Views: 704
05 Feb, 2016