وجودِ کرب میں آتش فشاں جگائے گی
Poet: hussain nisar By: hussain nisar, karachi تمہاری یاد کہ وہ وہ ستم اٹھائے گی
ہمیں کہ سایہء گل میں بھی اب ستائے گی
دکھا نہ دل کسی مظلوم کا کہ اس کی آہ
وجودِ کرب میں آتش فشاں جگائے گی
جو سو رہے ہیں ردا غفلتوں کی اوڑھے ہوئے
انہیں صدائے قیامت ہی اب جگائے گی
کسے خبر تھی کہ سب گلستاں اجاڑے ہوئے
وہ برق لہر بھی میری گلی سے جائے گی
ہر ایک موسمِ گل میں اسی کی یاد نثار
مرے وجود میں ہلچل سدا مچائے گی
Rate it: 
Views: 509
08 Aug, 2014
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
