وہ انسان کہاں ہے۔۔۔۔۔۔۔۔١
Poet: muhammad nawaz By: muhammad nawaz, sangla hillدے کر خرد کا تاج بنایا گیا اسے
تاروں کی انجمن میں سجایا گیا اسے
تنہائی افلاک میں ویراں تھی مشت خاک
وہ مشت خاک لے کے تراشا گیا اسے
سب جنتیں بنائی گئیں اسکے واسطے
پھر ایک دن جنت سے نکالا گیا اسے
شعلوں میں کبھی آندھیوں میں بھٹکتی رہی
موج حیات دہشتوں کو دیکھتی رہی
تاریخ بتاتی ہے کہ کیا کرتی ہے دنیا
یعقوب سے یوسف کو جدا کرتی ہے دنیا
سقراط کو سچ کی سزا پہ زہر پلایا
منصور کو ہر دور نے صولی پہ چڑھایا
پیدا ہوئے فرعون کئی نمرود بھی آئے
مٹی کے ہی خود ساختہ معبود بھی آئے
اس ظلم نے چھوڑا نہ پیغمبر کے بھی گھر کو
نیزے میں پرویا گیا شبیر کے سر کو
اپنوں کے گھروں کو ہی جلاتا رہا انسان
انسانیت کا خون بہاتا رہا انسان
جو روز ازل لکھا وہ پیمان کہاں ہے
جو درد تھا انسان کی پہچان کہاں ہے
آتے ہیں نظر مجھ کو بھی یہ مٹی کے پتلے
جو تیرا خلیفہ تھا وہ انسان کہاں ہے
یکم مئی کے حوالے سے لکھی گئی نظم کا پہلا حصہ
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
