پانی بن کے آنکھوں سے میں بہنے لگتا ہوں
Poet: Zulfiqar Hamdam Awan By: Zulfiqar Hamdam Awan, Soon Velley Naushahraجب بھی دل کی باتیں اس سے کہنے لگتا ہوں
پانی بن کے آنکھوں سے میں بہنے لگتا ہوں
خار چبھتا ہے جو کبھی تو چیخ نکل جاتی ہے
حد سے بڑھتا ہے جب دکھ تو سہنے لگتا ہوں
تنہائی کے عفریت جو اکثر دل کو ڈراتے ہیں
تیری یادوں کی سنگت میں رہنے لگتا ہوں
تیرے ہجر کی پاگل لہریں بے کل رکھتی ہیں
سمت بے سمت یونہی اکثر بہنے لگتا ہوں
بھولنے کی جب بھی اس کو کوشش کرتا ہوں
ریت گھروندوں کی مانند میں ڈھنے لگتا ہوں
تیرے وصال کے رنگیں موسم جب سے بچھڑے ہیں
خزاں رتوں کے پیلے کپڑے پہنے لگتا ہوں
تنہائی کے خوف سے اکثر ہول سا جاتا ہوں
الٹی سیدھی باتیں سب سے کہنے لگتا ہوں
More Sad Poetry







