لڑکا
۔۔۔۔۔۔۔
سماں ہو پیار کا ایسے نظاروں میں چلے جائیں
چلو ہم دور دنیا سے ستاروں میں چلے جائیں
حسیں پیروں کی خاطر یہ گلابوں کا ہے نذرانہ
مری تو جان لے لے گا تمھارا ایسے شرمانا
جہاں ہم گیت گائیں ان بہاروں میں چلے جائیں
چلو ہم دور دنیا سے ستاروں میں چلے جائیں
سماں ہو پیار کا ایسے نظاروں میں چلے جائیں
چلو ہم دور دنیا سے ستاروں میں چلے جائیں
لڑکی
۔۔۔۔۔۔۔۔۔۔۔۔
ہوا آنچل اڑاتی ہے ،حیا پلکیں جھکاتی ہے
تمھاری ریشمی آواز دل کو گدگداتی ہے
رچا ہو نور جن میں ایسے دھاروں میں چلے جائیں
چلو ہم دور دنیا سے ستاروں میں چلے جائیں
سماں ہو پیار کا ایسے نظاروں میں چلے جائیں
چلو ہم دور دنیا سے ستاروں میں چلے جائیں