چَند پَند (کسی کی ہم کو نصیحت)

یوں فرمانے لگا اِک مردِ دانا
اگر چاہتے ہو دُشمن کو ہرانا

گِرہ سے باندہ لو یہ پَند میرے
نہ ہاروگے کبھی فَرزَند میرے

بُلند کہتا ہے کوئی یا تُمہیں پَست
نہ لو ٹینشن، رہو بس حال میں مَست

ہر اِک کی رائے کب ہوتی ہے یکساں؟
تَفاوُت سے ہے پُر مخلُوقِ یزداں

کئی اَقسام کے ہوتے ہیں نَقّاد
کوئی مُنصف تو کوئی بہرِ بے داد

جو ہو تَنقیِد میں کوئی سَچائی
غَلَط کو ٹھِیک کرنے میں بھلائی

جو کہ تَنقیِد کرتا ہو حَسَد سے
نہ دو جواب اُس کو فعلِ بد سے

خُرد گر کریں تنقید تُم پر
تو ہے لازم صبر کی دیِد تُم پر

بَسَر و چَشم دِکھلاؤ زرا بَسط
بُلند ہو جاؤگے تُم ہو کے کُچھ پَست

جو ہم رُتبہ بنے نَقّاد یکدم
نہ ہونا اُس پہ بھی فورا“ بَرہم

کوئی مَمدُوح لگائے اُلٹی گر جَست
تو تُم اَپناؤ فورا“ صِراط اُلوَسط

کوئی بُزرگ رُتبہ گر کُچھ بولے
تَجربے کی بناء پہ لَب کو کھولے

بہت مُمکن ہے، جانو کُچھ نیا تُم
نہ ہو ایسا، کرو پھر بھی حیاء تُم

پِیرانہ سالی کو حاصل ہے مِیری
نہیں اچھی کسی پہ خُردہ گِیری

بنالو اُس کے آگے خُود کو ہی پَست
خطائے بُزرَگاں، گِرفتَن خطا است

جہاں تک کام چل پائے صُلَح سے
وہاں تک حِذر رَکھ رَدّ و قدَح سے

سَکوُنِ قلب گر چاہتا ہے بھائی
نہ کر ہرگِز کسی سے بھی لَڑائی

اگر ہو جائے ناگُزیر لڑنا
فَقَط حق بات کی خاطر جھَگڑنا

نہ کرنا زیادتی ہرگز کِسُو سے
خُدا محفُوظ رکھے گا عدُو سے