کافی ہے

خیالوں سے خوابوں کا رشتہ ہی کافی ہے
لفظوں سے لفظوں کا رشتہ ہی کافی ہے

یہ دِل میں تمہارے گَماں کیسے آیا
لبوں پہ یہ آخر بیاں کیسے آیا

باتوں ہی باتوں میں جلنا ضروی ہے
لئے ہاتھوں میں ہاتھ چلنا ضروری ہے

نگاہ سے نگاہوں کا مِلنا ضروری ہے
حقیقت میں خوابوں کا ڈھلنا ضروری ہے

میری رائے میں تو یہ سب کچھ اِضافی ہے
روحوں سے روحوں کا رشتہ ہی کافی ہے

خیالوں سے خوابوں کا رشتہ ہی کافی ہے
لفظوں سے لفظوں کا رشتہ ہی کافی ہے