کس کی چاہت میں۔۔۔؟

کس کی چاہت میں کس کی جستجو میں
گھلے جاتے ہو کس کی آرزو میں

ہم نے دیکھا ہے ایک مدت سے
تم کو دیکھا ہے بڑی شدت سے

چاہتے ہو مگر نہیں کہتے
تم کسی سے بھی کچھ نہیں کہتے

ہاں مگر اتنا جانتے ہیں ہم
اس حقیقت کو مانتے ہیں ہم

کہ تمہیں کوئی جستجو تو ہے
کچھ نہ کچھ دل کی آرزو تو ہے

جو تمہیں بےقرار رکھتی ہے
کس قدر بار بار رکھتی ہے

دل سے اپنے بھی مانتے ہو جسے
ہاں فقط تم ہی جانتے ہو جسے

پوچھنے پر بھی کچھ نہیں کہتے
حال دل ہم سے بھی نہیں کہتے

بارہا تم سے کھوجنا چاہا
بارہا تم سے پوچھنا چاہا

کس کی چاہت میں کس کی جستجو میں
گھلے جاتے ہو کس کی آرزو میں