کسی کے کیسے کٹی رات کوئی کیا جانے
Poet: wasim ahmad moghal By: wasim ahmad moghal, lahoreجو دل پہ گزرے ہیں صدمات۔۔۔ کوئی کیا جانے
کسی کی کیسے کٹی رات۔۔۔۔۔۔۔۔۔کوئی کیا جانے
تمام رات ستاروں نے۔۔۔۔۔۔۔۔۔ گفتگو کی ہے
ہے کس سے اپنی ملاقات ۔۔۔۔۔۔کوئی کیا جانے
تمام عمر بہاروں نے۔۔۔۔۔۔۔۔پھول برسائے
میرے لہو کے کمالات۔۔۔۔۔۔۔ کوئی کیا جانے
اُٹھا کے چہرے سے پردہ اُنہوں نے۔۔۔ دیکھا ہے
جنوں میں عشق کی اوقات۔۔۔۔۔ کوئی کیا جانے
درِ حبیب پہ پہنچا تو ہوں مگر ۔۔۔۔۔۔۔۔پھر بھی
دل و نظر کے حجابات۔۔۔۔۔۔۔۔ کوئی کیا جانے
جہاں سے سب کو مرادیں ملیں۔ وہیں سے ہمیں
ملی ہے درد کی سوغات ۔۔۔۔۔۔۔کوئی کیا جانے
وُہ ہی جو نور سا شیشے ہے۔۔۔۔۔۔۔۔۔ پلا ساقی
نہیں یہ ٹلنے کی برسات ۔۔۔۔۔کوئی کیا جانے
ملا ہے آج دو عالم پہ اختیار۔۔۔۔۔۔۔۔۔ مجھے
مقام ِ رند ِ خرابات۔۔۔۔۔۔ ۔۔کوئی کیا جانے
جناب ِ شیخ سے ہم کو۔۔۔۔۔ تمہاری نسبت سے
ملے ہیں کیا کیا خطابات ۔۔۔۔۔کوئی کیا جانے
اگر تو سچّا ہے جذبِ دروں۔۔۔۔ دلِ بے تاب
کبھی توہو گی ملاقات ۔۔۔۔۔۔۔کوئی کیا جانے
ہنوز دل پہ محبت کا داغ ہے۔۔۔۔۔۔۔ روشن
چراغِ حسرتِ آیات۔۔۔۔۔۔۔ کوئی کیا جانے
تمام ساغر و مینا تمام۔۔۔۔۔۔ ۔۔شیشہ و جام
تمہاری چشمِ عنائیات۔۔۔۔۔۔ کوئی کیا جانے
تمام حسن ِ تمنّا تمام۔۔۔۔۔ ۔۔صدق و صفا
یہی ہیں اپنی روایات۔۔۔۔۔۔ کوئی کیا جانے
نہ کوئی حرف ِ تسلّی نہ کوئی ۔۔۔۔پرسشِ حال
جھکی نظر کے پیامات۔۔۔۔۔۔ کوئی کیا جانے
نہ لب پہ حرف ِشکائت نہ لب کشا۔۔۔ آنسو
دلا یہ محشر ِ جذبات۔۔۔۔۔۔۔ کوئی کیا جانے
تمام وحشت و حیرت تمام۔ ۔حسرت و یاس
شب ِ فراق کےلمحات۔۔۔۔ کوئی کیا جانے
تمام ساغر و مینا بفیض ِ عشق۔۔۔۔۔ وسیم
کریں ہیں سجدے یہ دن رات کوئی جانے
نہ اَمیری کی اُسے قَید، نہ غُربَت کی رَضا ہے
یہ نہ دیکھے کہ کوئی تَخت پہ بیٹھا ہُوا ہے
یا کوئی خاک کی چادَر میں لِپٹا ہُوا ہے
کبھی ہَنستے ہوئے چہروں کو رُلا جاتی ہے
کبھی آنکھوں میں بَسے خَواب مِٹا جاتی ہے
کبھی ماں باپ کا سایہ ہی اُٹھا لیتی ہے
کبھی بَچّوں کی ہَنسی چھِین کے لے جاتی ہے
یہ نہ رِشتوں کی حُرمَت، نہ تَعلق دیکھے ہے
بَس اَجَل اپَنے مَقَرّرہ ہی لمَحے دیکھے ہے
جو گیا لَوٹ کے آیا نہیں دُنیا میں کبھی ہے
بَس یَہی بات دِلوں کے لیے اِک صَدمہ ہے
غَم کی اِس گھَڑی میں صَبَر ہی مومن کا سَہارا ہے
وَرنہ یہ دُکھ تو ہر اِک دِل نے اَکیلا سَہا ہے
مظہرؔ اِس سَچ کو سمجھ لو، یَہی اَنجامِ حیات ہے
مَوت آ کر یہ بتاتی ہے کہ دُنیا فانی ہے
یہ خُون کے دَھبّے کبھی چہروں سے نہ دھُلیں گے
ہَر شہر میں پھَیلی ہوئی خاموش فَضا کو
آوازِ حَق آئیں گی تو پَتھر بھی ہِلیں گے
یہ وَقت کی عادَت ہے کہ فِرعَون بہت ہیں
مُوسیٰ بھی مگر بَطنِ زَمانہ سے نِکلیں گے
مَعصُوم لَہو مانگ رہا ہے یہ گواہی
تاریخ کے اَوراق میں یہ دن بھی لکھیں گے
زَنجیر کی جھَنکار سے ڈَرنے کی نہ کَہیو
یہ لوگ ہیں، اِک روز یہی زَنجیر بَدلیں گے
جو لوگ سَمجھتے ہیں کہ سَب خَوف میں ہیں قَید
وہ دیکھ لیں، حالات کے دھارے بھی بَدلیں گے
مظہرؔ یہ اَندھیروں کا تَسَلَط ہے فَقط آج
سُورَج ہیں اگر زِندہ تو کل پھر سے نِکلیں گے
زَمانے بھر کی رُسوائی کو بھی سِینے سے لگانے کا
جو سَچے دِل سے کرتے ہیں، وہ سَودا خَوف کا کَب ہے؟
یہ رَستہ ہے چراغِ جاں سرِ طُوفاں جَلانے کا
وَفا جب ہاتھ تھامے تو حِسابوں میں نہیں پَڑتی
یہ شیوہ ہے خَساروں میں بھی رِشتہ ہی نِبھانے کا
مُحبت مَصلِحَت کی قَید میں رَہ کر نہیں جیتی
یہ دَریا ہے کِناروں سے بَغاوَت کر کے جانے کا
جو بَدنامی کے ڈَر سے ساتھ چھوڑ آئے رہِ دِل میں
اُسے دَعویٰ تو آتا ہے، ہُنر نہیں وَفا کرنے کا
عَہد اَگر سَچاّ ہو تو مَوسم راہ نہیں روکتے
یہ حوصِلہ ہے کانٹوں پر بھی ہَنستے مُسکرانے کا
مظہرؔ عِشق وہ سَجدہ ہے جِسے دُنیا نہیں سَمجھی
یہ جَذبہ ہے فَنا ہو کر بھی مَحبُوب کو پانے کا
کسی نے دَرد کو سَڑکوں پہ پھر عُریاں لِکھا ہے
یہ کیسا دَور آیا ہے، یہ کیسا اِمتحاں آیا
کہ ہر سَچ بولنے والے پہ اِک زِنداں لِکھا ہے
نہ ماؤں کی دُعائیں ہیں، نہ بَچّوں کی ہَنسی باقی
فضاؤں نے ہر اِک چہرے پہ اِک طُوفاں لِکھا ہے
کبھی راولاکوٹ رویا، کبھی کوئی نگر رویا
سِتم کی داستاں نے خود کو پھر دہراں لِکھا ہے
یہاں طاقَت کے اِیوانوں میں فیصلے اور ہوتے ہیں
مگر مَحروم لوگوں نے اَلگ فَرمان لِکھا ہے
وہ کہتے ہیں کہ خاموشی ہی اب تَقدیر ہے اَپنی
مگر اہلِ وَفا نے "حَق" کو پھر اِمکاں لِکھا ہے
نہ دَولت سے، نہ قُوَّت سے، نہ تَلواروں کی دھَمکی سے
ضَمیرِ زِندہ نے آزادی کو قُرآں لِکھا ہے
مظہرؔ! وقت گواہی دے گا آنے والی نَسلوں کو
وَفا والوں نے خُون سے آزادی کا ساماں لِکھا ہے
