کوئی بات سمجھ میں آئے گی تب ہی لکھی جائے گی

کوئی بات سمجھ میں آئے گی تب ہی لکھی جائے گی
بن سوچے اور بن سمجھے کیا خاک سمجھ میں آئے گی

اپنی آنکھیں بند کرو اور دل کی کھڑکی کھول کے رکھو
پھر اس بات پہ کان دھرو جو دل کی دھڑکن سنائے گی

دل کی بات سمجھ آنے پر دل کی بات کو عام کرو
دیکھنا پھر یہ دنیا کیسے گیت تمہارے گائے گی

دل کی باتیں سچ ہوتی ہیں دل کی باتیں جھوٹ نہیں
دل میں جھانک کہ دیکھو حقیقت اپنا آپ دکھائے گی

ہم تو اپنا ہر غم عظمٰی بس دل سے ہی کہتے ہیں
دنیا تو دل کے زخموں کو اور ہرا کر جائے گی

کوئی بات سمجھ میں آئے گی تب ہی لکھی جائے گی
بن سوچے اور بن سمجھے کیا خاک سمجھ میں آئے گی