کوئی خواب کوئی کہانی نہیں

کوئی خواب کوئی کہانی نہیں
کہ میری زندگی زندگانی نہیں

کہاں تک سنوں دل کی سرگوشیاں
کہاں لے کے جاؤں یہ مدہوشیاں

دہکی زمیں اور پانی نہیں
کوئی خواب کوئی کہانی نہیں

کہاں سے چمن کا نظارا کروں
بہاروں کو دل میں اتارا کروں

کوئی کھڑکی کوئی دریچہ نہیں
کوئی روشنی کی نشانی نہیں
کوئی خواب کوئی کہانی نہیں

مجھے کوئی کہتا چلو ہم سفر
نئے راستوں پہ چلیں ہم سفر

کوئی رابطوں کی نشانی نہیں
کوئی خواب کوئی کہانی نہیں
کہ میری زندگی زندگانی نہیں