کچھ حادثات وجہِ شناسائی بن گئے
Poet: Tariq Butt By: Gul Bose, Karachiہم جب سے ایک گل کے تمنائی بن گئے
ہر آتی جاتی رُت کے تماشائی بن گئے
کچھ سلسلوں کو توڑ گئے چند واقعات
کچھ حادثات وجہِ شناسائی بن گئے
محرومیوں نے ہم کو تماشا بنا دیا
پھر یوں ہوا، خود اپنے تماشائی بن گئے
جو آتشِ فراق میں جلتے رہے وہ دل
کندن ہوئے تو حسن کی زیبائی بن گئے
طارق، کہا تھا اُس نے کہ بربادِ عشق رہ
سو ہم بھی اُس کے قول کی سچائی بن گئے
Rate it: 
Views: 734
28 Feb, 2009
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
