کچھ نہ کہنا

دل دارکو کچھ نہ کہنا
میرے یار کو کچھ نہ کہنا

جس پریت نے پیار سِکھایا ہے
جس پیار نے جینا بتایا ہے
اس پیار کو کچھ نہ کہنا

دل دارکو کچھ نہ کہنا
میرے یار کو کچھ نہ کہنا

کچھ کھوئے بِنا کیا پانا ہے
کھو کے ہی پایا جانا ہے
یہ کاروبار ہے نقد میاں
بیوپار کو کچھ نہ کہنا

دل دارکو کچھ نہ کہنا
میرے یار کو کچھ نہ کہنا

فن پارے کی تعریف کرو
فن پارے پہ تنقید کرو
جو لکھنا ہے فن پہ لکھو
جو کہنا ہے فن پہ کہو
فنکار کو کچھ نہ کہنا

دل دارکو کچھ نہ کہنا
میرے یار کو کچھ نہ کہنا