کیسی آگ ہے پیار
Poet: Shah Lateef/Sajjad Tirmizi By: Bakhtiar Nasir, Lahoreسلگ رہی ہے تن میں
سلگ رہی ہے من میں
آگ نہیں ہے یہ بجھتی
چاہے کوئی ہزار
پیار کے بان نوکیلے
اور پھر کاری وار
وہ دن بھی کوئی دن ہے
جو گزرے بن یار
تڑپ رہی ہوں کب سے
اب تو موڑ مہار
مجھ بیکس بے بس کی
سن لے پروردگار
رہنا ہوشیار خبردار
قدم قدم پر ہے منجدھار
قدم قدم پر کیچڑ دلدل
راہیں نا ہموار
اندھیارے میں ٹھوکر کھائے
خود کو جو سمجھے نار
کب سے تیری راہ تکے ہے
پریمی ترا اس پار
چلنے والے جا پہنچے ہیں
تو بھی ہمت نہ ہار
Rate it: 
Views: 651
01 Dec, 2008
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad
