گر محبت دلیل ہو جائے
Poet: بشریٰ سعید عاطف By: بشریٰ سعید عاطف, Maltaگر محبت دلیل ہو جائے
آسماں خود وکیل ہو جائے
پاس میری اپیل ہو جائے
رات غم کی قلیل ہو جائے
حق کا پرچم اُٹھا کے چلنا ہے
راہ بے شک طویل ہو جائے
راہ تک لے غریبی جس گھر کی
بندہ وہ ہی ذلیل ہو جائے
ختم محتاجی کا ہو یارب دور
کُل جہاں خود کفیل ہو جائے
کام مخلوقِ ربّ کے جو آئے
ایسی عادت سبیل ہو جائے
اُس کو ربّ ہی شفا دے اے بشریٰ
روح جس کی علیل ہو جائے
Rate it: 
Views: 346
13 Oct, 2024
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
