گلاب چاندنی راتوں پہ وار آئے ہم
Poet: اظہر اقبال By: رانا علی, Sawatگلاب چاندنی راتوں پہ وار آئے ہم
تمہارے ہونٹوں کا صدقہ اتار آئے ہم
وہ ایک جھیل تھی شفاف نیل پانی کی
اور اس میں ڈوب کو خود کو نکھار آئے ہم
ترے ہی لمس سے ان کا خراج ممکن ہے
ترے بغیر جو عمریں گزار آئے ہم
پھر اس گلی سے گزرنا پڑا تری خاطر
پھر اس گلی سے بہت بے قرار آئے ہم
یہ کیا ستم ہے کہ اس نشۂ محبت میں
ترے سوا بھی کسی کو پکار آئے ہم
Rate it: 
Views: 498
20 Jul, 2022
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
