ہاتھ پر ہاتھ رکھو آؤ کریں یہ وعدہ
Poet: ورد بزمی By: ورد بزمی, اسلام آبادہم ابھرتے ہوئے سورج کی جواں کرنیں ہیں
ہم ابلتے ہوئے چشمے کی جواں موجیں ہیں
ہم امڈتے ہوئے دریا کی جواں لہریں ہیں
ہم بدلتی ہوئی دنیا کی جواں سوچیں ہیں
ہاتھ پر ہاتھ رکھو آؤ کریں یہ وعدہ
ظلمتِ شب کو اجالوں سے سجادیں گے ہم
خوابِ غفلت میں ڈھلی فکر جگا دیں گے ہم
لوٹتے ہیں جو اندھیروں میں غریبوں کے جہاں
ان کے چہروں سے نقاب آج اٹھا دیں گے ہم
ہاتھ پر ہاتھ رکھو آؤ کریں یہ وعدہ
ہم بدل دیں گے تعصب کی نمائش کا نظام
ہم مٹا دیں گے فرنگی کی نوازش کا نظام
ختم کرنا ہے ہمیں پاک وطن سے مل کر
اقربا پروری رشوت کا سفارش کا نظام
ہاتھ پر ہاتھ رکھو آؤ کریں یہ وعدہ
دیس میں کوئی بھی اب طلم نہ ہونے دیں گے
کسی مظلوم کو چھپ چھپ کے نہ رونے دیں گے
ہم غریبوں کے بدن پر کسی ظالم کو کبھی
کوئی خنجر کوئی نشتر نہ چبھونے دیں گے
ہاتھ پر ہاتھ رکھو آؤ کریں یہ وعدہ
ظلم سہنے کی روایات کو ہم توڑیں گے
ہم ہر اک دور میں ہر دار پہ سچ بولیں گے
ہم اسولوں پہ کریں گے نہ کبھی سمجھوتا
ہم صداقت پہکبھی حرف نہ آنے دیں گے
ہاتھ پر ہاتھ رکھو آؤ کریں یہ وعدہ
اپنی دھرتی سے جہالت کو مٹادیں گے ہم
بغض کو بیر کو نفرت کو مٹا دیں گے ہم
شرحِ اموات مزید اور نہ بڑھنے دیں گے
صفحہ ء دہر سے غربت کو مٹا دیں گے ہم
ہاتھ پر ہاتھ رکھو آؤ کریں یہ وعدہ
کوہِ تحقیق کی چوٹی پہ ہمیں چڑھنا ہے
طالبِ علم ہیں ہر وقت ہمیں پڑھنا ہے
کام اور کام تواتر سے تسلسل سے سدا
ہمیں ان چاند ستاروں کی طرف بڑھنا ہے
ہاتھ پر ہاتھ رکھو آؤ کریں یہ وعدہ
فخر اپنا ہے وطن اور یہی ہے پہچان
یاد ہے قائدِ اعظم کا ہمیں یہ فرمان
حضرت اقبال نے دیکھا تھا کبھی جس کا خواب
ہم حقیقت میں بنائیں گے وہی پاکستان
ہاتھ پر ہاتھ رکھو آؤ کریں یہ وعدہ
ربِ کعبہ ہے ہر اک موڑ پہ یاور اپنا
شاہِ لولاک محمد ہے پیمبر اپنا
منزل آسان ہے واضح ہے یقینی ہے وَرد
روزِ اول ہی سی قرآن ہے رہبر اپنا
ہاتھ پر ہاتھ رکھو آؤ کریں یہ وعدہ
جو قوم کی خاطر بولا تھا، زِندان میں بیٹھا ہے۔
جس شَخص نے خواب دِکھائے تھے اِک بہتر پاکستان کے،
وہ شَخصِ وَفا آج بھی بے سامان میں بیٹھا ہے۔
جس نے ہر ظُلم کے آگے حَق بات سُنائی لوگوں کو،
وہ اَپنی ہی قوم کے بیچ حَیران میں بیٹھا ہے۔
اِک آنکھ بھی اُس کی جاتی رَہی اِس راہِ سیاسَت میں،
اور شہرِ تمَاشہ خاموشی کی تان میں بیٹھا ہے۔
لوگوں نے فَقط نعروں تک مَحدُود رَکھی چاہت کو،
اِک مَردِ مُجاہد اَب تک زِندان میں بیٹھا ہے۔
گر ایک دَفعہ بھی قوم اُٹھے، دِیواریں ہِل سَکتی ہیں،
وَرنہ ہر خواب یَہاں خوف کے طُوفان میں بیٹھا ہے۔
کتنی ہی عِیدیں گُزر گئیں اُس شَخص پہ تَنہائی میں،
اور ہر بے حِس چہرہ اَپنے ہی اَرمان میں بیٹھا ہے۔
مظہرؔ یہ قِیادت بکنے والی شے تو نہیں ہوتی،
اِک سَچّا لِیڈر آج بھی زِندان میں بیٹھا ہے۔
کہ یاروں کو بھُلایا ہو نِشاں بھی نہیں مِلتا
میں اَپنوں کے لیے ہر درد چُپ رَہ کر ہی سَہتا ہوں
لَبوں پَر آہ کا کوئی اِمکاں بھی نہیں مِلتا
مُحَبَّت کے بہت دَعوے کِیے چہروں نے مِل کر اَب
مگر سچ ہے کہ ان جیسا انساں بھی نہیں ملتا
سَہارا جو بُرے وَقتوں میں لوگوں کا بَنے یارو
زَمانے میں کِسی کو وہ خانداں بھی نہیں ملِتا
میں اَپنے دوست کی خاطِر زَمانے بھَر سے لَڑ جاؤں
مَطلَب پَرَستوں میں یہ اِیماں بھی نہیں ملِتا
جو دِل میں ہے وُہی لَب پَر، نہیں ہے پَردہ کوئی بھی
مِرے کِردار میں جھُوٹوں کا دھِیاں بھی نہیں مِلتا
مظہرؔ یاروں کی چاہَت میں ہمیشہ سَر جھُکاتا ہے
وفاداری کے رَستے میں نُقصاں بھی نہیں مِلتا
کسی سے خود کو مگر کم نہیں بنائیں گے
ہمارے عہد میں ہر سو محبتیں ہوں گی
خزاں کا ہم کوئی موسم نہیں بنائیں گے
ہم ایک نقشہ بنائیں گے سارے ملکوں کا
کسی بھی ملک کا پرچم نہیں بنائیں گے
ہم اپنے علم سے مرہم بنائیں گے لیکن
ہم اپنے علم سے ایٹم نہیں بنائیں گے
ہماری سانس کو عادت نہ ہونے لگ جائے
کبھی بھی ہم کوئی ہمدم نہیں بنائیں گے
کبھی نہ راستہ روکیں گے جانے والوں کا
کہیں پہ چشمۂِ زم زم نہیں بنائیں گے
کسی سے دور بھی رہ کر خوشی سے جی لیں گے
کسی کی زیست جہنم نہیں بنائیں گے
جو دل کی صداؤں کی گہرائی ہے، وہی ہے۔
جو ہر گام پر ہے چراغِ نظر
مسافت میں رہتی جو بینائی ہے، وہی ہے۔
نہ پوچھو کہ کیسے وہ دل میں بسا ہے
کہ جذبوں کی ہر ایک رسوائی ہے، وہی ہے۔
کبھی ایک آہٹ، کبھی ایک خوشبو
یہ دنیا جو دل میں بس آئی ہے، وہی ہے۔
میں جس کو خیالوں میں اکثر سنواروں
جو خوابوں میں چپکے سے آئی ہے، وہی ہے۔
میں جس کو دعاؤں میں اکثر پکاروں
مرے لب پہ ہر دم جو آئی ہے، وہی ہے۔
نہ چاہا کسی اور کو اس طرح سے
محبت کی میری جو سچائی ہے، وہی ہے۔
کہا جس کو میں نے کبھی زندگی
وہی میری سب کچھ، خدائی ہے، وہی ہے۔
وہی روشنی ہے، وہی خواب سا ہے
مری ہر نگاہوں کی بینائی ہے، وہی ہے۔
سنو لوگو! جس نے مجھے جان بخشا
مرے دل میں مظہر جو چھائی ہے، وہی ہے۔
