ہر سمت گلستاں میں زنجیر نظر آئی
Poet: رفیق جابر By: کاظمین نوید, Karachiہر سمت گلستاں میں زنجیر نظر آئی
پھولوں کی ہر اک ڈالی تقصیر نظر آئی
ہر برگ پہ ظالم کی تحریر نظر آئی
ہر پھول میں قاتل کی تصویر نظر آئی
ہر صبح شب غم کی تفسیر نظر آئی
ہر شام سویرے کی تعزیر نظر آئی
بسمل کو دعاؤں میں تاثیر نظر آئی
جب آخری ہچکی میں تاخیر نظر آئی
رسوائیٔ پیہم میں تشہیر نظر آئی
ظلمت میں رفیقؔ آخر تنویر نظر آئی
Rate it: 
Views: 355
19 Sep, 2022
More Sad Poetry
