ہم تو بہشت سے ہو کے واپس بھی آگئے
Poet: rehan By: rehan, lahoreباد صبا میں اور گلابوں میں آج تک
ملتا ہے تیرا نام کتابوں میں آج تک
اک خوشنما سا ذکر ہے اک دلربا سی یاد
لیکن رہا یہ عشق حجابوں میں آج تک
فکرِ معاش کے تلے عمرِ حسیں کٹی
ملتا ہے رزق تول کے خوابوں میں آج تک
ہم تو بہشت سے ہو کے واپس بھی آگئے
تو ہے ریاضتوں کے سرابوں میں آج تک
حالات اور وقت نے روکا مگر وہ شخص
رہتا ہے میری آنکھ کے خوابوں میں آج تک
Rate it: 
Views: 601
07 Jun, 2011
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
