ہم غلط تھے ہمیں جھڑکتی تو

ہم غلط تھے ہمیں جھڑکتی تو
کچھ نہ کہتی مگر بھڑکتی تو

خوب ہوتا کہ خوب نہ ہوتا
وہ ہماری طرح پھڑکتی تو

ہم بھی اس کا خیال رکھ لیتے
وہ ہمارا خیال رکھتی تو

ہم نظر بھر کے اسے تک لیتے
اک نظر وہ ادھر کو تکتی تو

ہم یوں بےباک نہ ہوئے ہوتے
وہ بھی گرچہ ذرا جھجکتی تو

اپنا بھی اختیار نہ جاتا
ہاں اگر وہ نہ کچھ بہکتی تو

خشک آنکھوں میں ڈوبتی سی نمی
نہ ٹپکتی مگر چمکتی تو

ہم بھی کچھ تشنگی مٹا لیتے
ساقی مینا سے مہ چہکتی تو