ہم نے سیکھا یار کسی سے
Poet: dr fakhar abbas By: dr fakhar abbas, Lahoreہم نے سیکھا یار کسی سے
اب نہیں کرنا پیار کسی سے
جب سے خود کو ڈھونڈ لیا ہے
کچھ بھی نہیں درکار کسی سے
الجھن ہے اک اپنے اندر
لڑتا ہوں بے کار کسی سے
پیاری آنکھوں والی تو نے
چھین لیا حب دار کسی سے
سب سے میں کمزور تھا شاید
مجھ پہ ہوا ہے وار کسی سے
سکھ ہے میری جان کو تب سے
مان لی میں نے ہار کسی سے
عاجز رہ کر اونچے ہونا
سیکھو یہ سرکار کسی سے
Rate it: 
Views: 513
03 Oct, 2013
More Love / Romantic Poetry
