ہمارے حال سے واقف کوئی تو ہے

اضطرابی کیفیت ہے اور جنوں کی حالت ہے
اضطراب میں بھی لیکن سکوں کی حالت ہے

عجب حالات اب کے زندگی میں آئے ہیں
جسے ہم بھی نہ سمجھ پائے ایسی حالت ہے

میرے آئینے کو میرے روبرو کردو
اسی سے پوچھ لوں میری کیسی حالت ہے

میرے حالات سے واقف نہیں کوئی دوجا
بجز تیرے میرے خدا یہ جیسی حالت ہے

محرم راز کوئی اپنا بھی جہان میں ہے
ورنہ ہم بھی کہتے بے کلی کی حالت ہے

ہمارے حال سے واقف کوئی تو ہے عظمیٰ
وگرنہ جی نہیں پاتے جو اپنی حالت ہے