ہونٹوں پہ لئے پیار کے جذبات سجا کر
Text size
ہونٹوں پہ لئے پیار کے جذبات سجا کر
تتلی کوئی نکلی ہے یہ خوشبو سے نہا کر
آنے لگی پھولوں پہ نئی ایک جوانی
کھلتے رہیں محفل میں یہی ایک دعا کر
بکھری ہوئی پھرتی ہوں ، یہاں کوئی نہیں ہے
اے مولا مجھے ایک ، مرا اپنا عطا کر
اب عدل یا انصاف کی امید نہیں ہے
اس شہر کے حاکم سے ذرا دور رہا کر
جب آنکھ کی تحویل میں آنسو ہی نہیں ہیں
کیا لینا ہے پھر دردِ محبت کو بہا کر
چمکے ہیں مرے ساتھ بجھی شب کے ستارے
نکلوں جو اگر چاند کی کرنوں سے نہا کر