ہے عشق یہ کیا جانا مجھے بھی تو بتا کر

Poetوشمہ خان وشمہ Submitted byوشمہ خان وشمہ
Text size

ہے عشق یہ کیا جانا مجھے بھی تو بتا کر
ہر کشتی یہ ہجرت کی چلے آؤ جلا کر

آنے لگیں پیچھے مرے کلیوں کی صدائیں
نکلی ہی تھی میں ہاتھ جو خوشبو سے ملا کر

اس گلشنِ دنیا میں شگفتہ نہ ہوا دل
ہو خاک سرِ راہ محبت میں دعا کر

لگتا ہے کہ لے جائے گی پھر درد نگر میں
یہ شام مجھے اپنے ہی سائے میں چھپا کر

اک عمر گزاری ہے ترے ہجر میں تنہا
ہونٹوں کے کناروں پہ ترا نام سجا کر

شاخوں پہ تھا چاہت کے پرندوں کا ٹھکانہ
کیا تجھ کو ملا آج مرے دل سے اڑا کر

قندیل وفا بن کے سلگتی رہی وشمہ
اک شمع محبت تری راہوں میں جلا کر

Related tags on Parveen Shakir poetry

Copied