یہ کرونا کا ڈر ہے یا کیا ہے

میرے سر پر ہے آسماں خاموش
شام ہجراں کی داستاں خاموش

جب سمندر کا ہے سماں خاموش
دل کی کشتی کا بادباں خاموش

یہ کرونا کا ڈر ہے یا کیا ہے
لوگ خاموش حکمراں خاموش

سب نے دیکھا ہے ڈوبتا سورج
سب کی آنکھوں میں ہے دھواں خاموش

اس کی آنکھوں میں شوخیاں لیکن
میرے ہونٹوں پہ ہے فغاں خاموش

اس کی تصویر تک رہی ہیں یہاں
دل کے کمرے کی کھڑکیاں خاموش

پیش خیمہ ہے ایک طوفاں کا
وشمہ میری ہے گر زباں خاموش