وہ حیرت سے اسے دیکھ رہا تھا ۔۔۔۔ یقین نہیں آرہا تھا کے وہ بچی جو
صرف ایک دفعہ جمال شاہ کے بنگلے میں پرسرار انداز میں اس کے سامنے
آئی تھی اور پھر کبھی ان دس سالوں میں صلاح الدین نے اسے نہیں
دیکھا تھا ۔۔۔۔ جس لڑکی سے اس کا بات کرنا جمال شاہ کو گوارا نہ
تھا ۔۔۔۔ ان کا رویہ اس معاملے میں نہایت کھردرا اور سخت تھا ۔۔۔۔
بھولے سے بھی کبھی اس کے سامنے اپنی بیٹی کا انہوں نے نام تک لینا
گوارا نہیں کیا تھا ۔۔۔۔ صلاح الدین انہیں اس معاملے میں نہایت
Conservative سوچ کا مالک سمجھتا تھا ۔۔۔ لیکن اب اس لڑکی کو اتنے
سالوں بعد دیکھ کر ۔۔۔۔۔ اور وہ بھی اپنی بیوی کے روپ میں اپنے
کمرے میں موجود پاکر اس کا حیران ہونا بالکل بجا تھا ۔۔۔۔۔ وہ اسے
دیکھے جا رہا تھا ۔۔۔۔ وہ ایک عجیب سی کیفیت کا شکار ہوگیا تھا
۔۔۔۔ اور فاطمہ پھر سے سر جھکا کر گٹھری میں تبدیل ہوگئی تھی ۔۔۔۔
ہلکی سی سسکیوں کی آواز پر وہ چونک اٹھا ۔۔۔۔ وہ رو رہی تھی ۔۔۔۔۔
وہ خاموشی سے اس کے قریب پہنچ کر رک گیا ۔۔۔۔۔
یہ لیجئے ۔۔۔۔۔
ٹشو پیپر اس کی طرف بڑھاتے ہوئے بولا ۔۔۔۔ تو وہ پری پیکر وجود نے
اپنی صراحی جیسی گردن اٹھا کر اسے دیکھا ۔۔۔۔۔ وہ روتے ہوئے بے
انتہا حسین لگ رہی تھی ۔۔۔۔۔ آنسو اس کی پلکوںپر شبنم کے قطروں کی
طرح لگ رہے تھے ۔۔۔۔ چہرے پر معصومیت اور آنکھوں میں عجیب سی بے
بسی صاف محسوس ہورہی تھی ۔۔۔۔۔ وہ اس کے بن کہے ہی سمجھ گیا تھا کہ
وہ کیسا محسوس کر رہی ہے ۔۔۔۔ شائد وہ بھی اس کی طرح اس شادی کے
لئے راضی نہ تھی ۔۔۔۔۔ مگر اپنے والد کے فیصلے کے آگے اس نے بھی سر
جھکا دیا تھا ۔۔۔
خاموشی سے ٹشو اُس کے ہاتھ سے لے کر اپنی خوبصورت بڑی بڑی کالی
سیاہ آنکھوں سے بہتے موتی جیسے آنسو پوچھنے لگی ۔۔۔۔۔ وہ رعب حسن
کے آگے کچھ نہ بول پا رہا تھا ۔۔۔۔
دیکھئے آپ ریلاکسڈ ہو کر لیٹ جائیے پلیز ۔۔۔۔۔ اور آپ پریشان نہ
ہوں ۔۔۔۔۔ سب ٹھیک ہوجائے گا ۔۔۔۔۔
فاطمہ نے گھبرا کر سر اٹھا کر اسے دیکھا ۔۔۔۔
میں سوفے پر سوجائونگا ۔۔۔۔۔۔۔
وہ جلدی سے بولتا ہوا بیڈ کے دوسری طرف کا تکیہ اٹھا کر بیڈ کی
سائیڈ پر قدرے فاصلے پر پڑے فون رنگ کے سوفے کی طرف بڑھ گیا ۔۔۔۔۔
فاطمہ نے گہری سانس لی اور لیٹ کر چادر سے اچھی طرح خود کو ڈھک لیا
۔۔۔۔۔
××××××××××××××××××
شاہ بابا یہ سب کیا ہے ۔۔۔۔۔۔
وہ نہ چاہتے ہوئے بھی باپ سے سوال پوچھ رہا تھا ۔۔۔۔۔
کیا میرے بچے ؟
کیا آپ فاطمہ کو جانتے تھے ؟
ہاں ۔۔۔
پھر آپ نے مجھے بتایا کیوں نہیں شاہ بابا ۔۔۔۔۔۔
کیا وہ تجھے پسند نہیں ہے ؟
پسند ناپسند کی بات میں نہیں کر رہا شاہ بابا ۔۔۔۔۔۔ صرف میں آپ سے
یہ پوچھ رہا ہوں کہ آپ اسے کب سے جانتے ہیں؟
صلاح الدین میں اس کی پیدائش سے ہی اسے جانتا ہوں ۔۔۔۔۔۔
جب آپ کو پتا تھا تو مجھے کیوں لاعلم رکھا گیا ۔۔۔۔۔۔۔ اسے دیکھنا
تو دور کی بات اس کا ذکر تک کسی کی زبان پر نہیں آیا ۔۔۔
آخر اس کی وجہ کیا تھی شاہ بابا ۔۔۔۔۔۔ ؟
اس بات کا جواب دینا میں ضروری نہیں سمجھتا ۔۔۔۔۔۔
اتنا بولنا اسے آتا نہیں تھا باپ کے سامنے مگر شادی کے دوسرے دن
فجر کی نماز کے بعد وہ اتنا سب کچھ شاہ جی کے سامنے بول گیا تھا
۔۔۔۔۔ وہ ان اولادوں میں سے تھا جو والدین کی ہر بات پر سر جھکا
دیتے ہیں ۔۔۔۔۔ مگر آج وہ بہت کچھ بول گیا تھا ۔۔۔۔لیکن ان کے آخری
جملے نے اسے خاموش کر دیا تھا ۔۔۔ جمال شاہ جس دن نکاح ہوا تھا اسی
رات کراچی واپس چلے گئے تھے ۔۔۔۔۔ اماں جانی اسے اپنے نکاح کے بعد
سے چپ چپ سی لگیں تھیں ۔۔۔۔۔۔ مگر دادو بہت خوش تھیں ۔۔۔۔۔۔۔ ادھر
فاطمہ اور اس کا تعلق بھی عجیب سا تھا ۔۔۔۔ فاطمہ زیادہ تر خود میں
کھوئی کھوئی سی رہتی تھی شرمندہ شرمندہ سی نہ جانے کیوں۔۔۔۔۔جیسے
کسی قسم کے احساس جرم کا شکار ہو۔۔۔۔۔۔ دونوں ایک کمرے میں رہتے
ہوئے بھی ایک دوسرے کے لئے اجنبی تھے ۔۔۔۔۔۔ دادو فاطمہ کو بہت
چاہنے لگیں تھیں ۔۔۔۔۔۔۔ اسکا بے تحاشا خیال رکھنے لگیں تھیں
۔۔۔۔۔۔ اور وہ بھی دادو اور شاہ جی کے علاوہ کسی سے زیادہ بات نہیں
کرتی تھی ۔۔۔۔۔ مگر اماں جانی کا رویہ اسے سمجھ نہیں آرہا تھا
۔۔۔۔۔ اسے لگتا تھا جیسے انہوں نے بڑے بجھے دل سے فاطمہ کو بہو کے
طور پر اپنایا ہے ۔۔۔۔۔۔۔ اس دن بھی وہ حویلی کے بڑے سے برآمدے میں
پڑی چارپائی پر اکیلی بیٹھی اماں جانی کو دیکھ کر ان کے پاس چلا
آیا ۔۔۔۔۔
اسلامُ علیکم اماں جانی ۔۔۔۔۔ آپ اکیلی کیوں بیٹھی ہیں یہاں ۔۔۔۔۔۔
وعلیکم اسلام ۔۔۔۔ کچھ نہیں بیٹا بس یونہی ۔۔۔۔۔۔
آپ کچھ پریشان سی لگ رہی ہیں ۔۔۔۔ کیا بات ہے ؟
ارے بھلا میں کیوں پریشان ہونے لگی ۔۔۔ تیرا وہم ہے میرے بچے
۔۔۔۔۔۔ میں تو خوش ہوں کے اتنے عرصے بعد تو گھر آگیا ہے ۔۔۔۔۔
میں بھی خوش ہوں اماں جانی کے آپ سب میرے ساتھ ہیں ۔۔۔۔۔ لیکن مجھے
کیوں ایسا لگتا ہے کے آپ کو آپ کی بہو پسند نہیں آئی ۔۔۔۔۔۔
نہیں بچے اتنی پیاری بہو ہے میری میں کیوں اسے ناپسند کرنے لگی ۔۔۔
وہ بڑے غور سے اپنی ماں کا چہرا دیکھتے ہوئے بولا تو وہ ایک دم
نظریں چراتے ہوئے بول اٹھیں تھیں ۔۔۔۔۔
ادھر دیکھیں میری طرف ۔۔۔۔۔۔۔
وہ ان کے کاندھوں پر نرمی سے ہاتھ رکھ کر ان کا رخ اپنی طرف کرتا
ہوا بولا تھا ۔۔۔۔۔۔۔
بات کیا ہے اماں جانی ۔۔۔۔۔ آپ لوگ مجھے اپنے گاؤں بھی نہیں لے گئے
۔۔۔ اور شہر کی حویلی لے آئے ۔۔۔۔ اور اب اس طرح سے نکاح کر دینا
۔۔۔۔ میں پورے یقین سے کہہ سکتا ہوں کہ میری پیاری اماں جانی خوش
نہیں ہیں ۔۔۔۔۔ بتائے کیا بات ہے ۔۔۔۔۔؟
صلاح الدین بیٹا دراصل بات یہ ہے
زلیخا ذرا ادھر آؤ ۔۔۔۔۔۔
شاہ جی کی کڑک دار آواز پر کچھ کہتے کہتے رک گئیں اور اٹھ کر بیٹے
سے کچھ کہے بغیر ہی شاہ جی کے بلانے پر چلے گئیں ۔۔۔۔شاہ جی کچھ
فاصلے پر کھڑے تھے اور بیوی کو تنبیہی نظروں سے گھور رہے تھے
۔۔۔۔۔۔۔
×××××××××××××
باقی آئندہ ۔۔۔۔۔۔