مشکل راستے قسط ١٢
(farah ejaz, dearborn, mi USA)
جب وہ کراچی آئے تھے تو جیب میں
صرف دس روپے پڑے تھے ۔۔۔۔۔۔۔۔۔۔۔۔۔۔ گھر بھر کے لاڈلے تھے ۔۔۔۔۔۔۔۔۔۔۔۔
کراچی آکر پہلی بار بھوکے پیٹ فوٹ پاتھ پر سونا پڑا تو ماں باپ کی قدر ہوئی
۔۔۔۔۔۔۔۔۔ بڑی بہن کی محبت اور انکا ناز اٹھانا یاد آیا ۔۔۔۔۔۔ لیکن وہ تو
ساری کشتیاں جلا کر آئے تھے ۔۔۔۔۔۔۔۔۔۔۔۔۔۔۔۔ اپنی منگ کو ٹھکرا کر
۔۔۔۔۔۔۔۔۔۔۔۔۔۔ اپنے باپ کو ناراض کر کے ۔۔۔۔۔۔۔ چودہ جماّعت پاس تھے
۔۔۔۔۔۔۔۔۔شاید اسی کا غرور تھا انہیں ۔۔۔۔۔۔ منگیتر جاہل لگنے لگی تھی
۔۔۔۔۔۔۔ جب شادی کی باتیں ہونے لگیں تو صاف انکار کر دیا ۔۔۔
میں نہیں کرونگا اس جاہل سے شادی ۔۔۔۔۔۔۔۔۔۔۔۔۔۔۔۔۔
یہ بات سن کر ابا نے جوتا اٹھا لیا بیٹے پر ۔۔۔۔۔۔۔۔۔۔۔۔۔۔۔۔۔۔۔۔۔۔۔ بس پھر
کیا تھا چھوڑ آئے سب کچھ ۔۔۔۔۔۔۔۔۔۔۔۔۔۔۔۔۔۔۔ نہ ماں کی آہیں ان کے قدموں
میں زنجیریں ڈال سکیں نہ بہن کی التجائیں انہیں روک پائیں ۔۔۔۔۔۔۔ جوشیلے
تو تھے ہی احد کرلیا اب نہیں واپس جاؤنگا جب تک گل لالہ کی شادی خانہ آبادی
کسی اور کے ساتھ نہ ہوجائے ۔۔۔۔۔۔۔۔۔۔۔۔۔۔۔۔۔۔۔۔۔۔ لیکن اپ انہیں اپنا یہ
فیصلہ بھاری پڑھ رہا تھا ۔۔۔۔۔۔۔۔۔دو مہینے ہوگئے تھے نوکری ڈھونڈتے ہوئے
۔۔۔۔۔۔۔۔۔ لیکن شاید قسمت ان سے روٹھی ہوئی تھی ۔۔۔۔۔۔۔۔۔۔۔۔۔۔۔۔۔۔۔۔۔۔۔ جو
والدین نہ سکھا سکے ان دو مہینوں میں سیکھ گئے ۔۔۔۔۔۔۔۔۔۔۔۔ لیکن پھر بھی
واپس جانے کا سوچنا بھی نہیں چاہتے تھے ۔۔۔۔۔۔۔ گل لالہ ایک آنکھ نہیں
بھاتی تھی ۔۔۔۔۔۔۔۔۔۔۔۔۔۔ اور بچپن سے ہی سخت ناپسند تھی۔۔۔۔۔۔ اس لئے
بھوکے رہنا منظور تھا لیکن اس سے شادی کسی طور منظور نہ تھی
۔۔۔۔۔۔۔۔۔۔۔۔۔۔۔ لیکن پھر قسمت نے یاوری کی اور تیسرے مہینے جب وہ کلی طور
پر مایوس ہوچکے تھے کہ اچانک اپنے ایک پرانے یار سلیمان شاہ سے ملاقات
ہوگئی ۔۔۔۔۔۔۔۔۔ جس کی لالوکھیت میں کباڑئیے کی چھوٹی سی دکان تھی
۔۔۔۔۔۔۔۔۔۔۔۔۔ اسنے جو انہیں برے ھال میں دیکھا تو اپنے ساتھ ہی گھر لے آیا
۔۔۔۔۔۔۔۔۔ پھر اپنے اس چھوٹے سے کاروبار میں شریک کر لیا ۔۔۔۔۔۔۔۔۔ کچھ
عرصہ جمال اپنے دوست کے ساتھ کاروبار کرتے رہے ۔۔۔۔۔۔۔۔۔۔۔۔ پھر سلیمان کو
دبائی میں کسی کنسٹریکشن کمپنی میں نوکری مل گئی تو وہ دوست کو اپنا
کاروبار سونپ کر دبائی چلا گیا ۔۔۔۔۔۔۔۔۔۔۔۔ اور کچھ ہی عرصے بعد اپنے بیوی
بچوں کو بھی وہیں بلا لیا ۔۔۔۔۔۔۔۔۔ اور دکان انکے نام کردی ۔۔۔۔۔۔۔۔۔۔ وہ
بےشک انکا سچااور مخلص دوست تھا ۔۔۔۔۔۔۔۔ جمال محنتی اور کاروباری رموز سے
بھی واقف تھے ۔۔۔۔۔۔۔۔۔۔ اور ذہین بھی تھے تو اس معمولی کاروبار میں بھی
کافی ترقی کرلی ۔۔۔۔۔۔۔۔۔ اور ساتھ میں مردانہ کپڑوں کی دکان بھی لے لی
۔۔۔۔۔۔۔۔۔۔۔۔۔ اب ہن چاروں طرف سے برسنے لگا ۔۔۔۔۔ جس چیز پربھی ہاتھ رکھتے
وہ ان کے لئے سونا بن جاتی ۔۔۔۔۔ جب آگے پڑھنے کا شوق پھر سے جاگا تو پیسا
جمع کر کے لندن چلے گئے ۔۔۔۔۔۔۔۔۔ اس زمانے میں لندن یا یورپ جانا اتنا
مشکل نہ تھا ۔۔۔۔۔۔۔۔ Odd Jobs کرتے ہوئے اپنی پڑھائی کو جاری رکھا
۔۔۔۔۔۔۔۔۔ اور پھر وہیں ایک چھوٹی سی Coffee Shop کھول لی ۔۔۔اور پھر صرف
چند سالوں بعد ہی ایک 5 Star ہوٹل کے مالک بن بیٹھے ۔۔۔۔۔۔۔۔ اتنے کم عرصے
میں اتنی ترقی لوگوں کے ساتھ انہیں بھی حیران کر دیتی تھی ۔۔۔۔۔شاہ جی سے
بھی وہیں ملاقات ہوئی تھی ۔۔۔۔۔۔۔ بچپن سے ہی سانجھی یار تھے دونوں
۔۔۔دیکھتے ہی ایک دوسر سے لپٹ گئے ۔۔۔۔۔۔۔۔۔۔۔۔۔۔۔
اوئے جمال تو ادھر کیا کر رہا ہے ۔۔۔۔۔۔۔۔۔۔۔۔۔۔۔ یار کچھ تو اپنے ماں باپ
کی فکر کر ۔۔۔۔۔۔۔۔۔۔۔۔۔ تو کیوں انہیں چھوڑ آیا میرے بھائی ۔۔۔۔۔۔
وہ دوست کو لپٹا کر بولے تو جمال شاہ تھوڑی دیر خاموشی سے دوست کو دیکھتے
رہے ۔۔۔۔۔۔۔۔۔۔۔۔۔۔۔۔۔۔
میں کیا کرتا شاہ ابا میری شادی زبردستی گل لالہ سے کرنے پر بضد تھے ۔۔۔۔
اور تجھے تو پتا ہے یار وہ شروع سے مجھے ناپسند تھی ۔۔۔۔۔۔۔۔۔۔۔۔ میں نے
منع کیا تو مجھے گھر سے نکل جانے کو کہا ۔۔۔۔۔۔ بس اس طرح میں ادھر آگیا
۔۔۔۔۔۔۔۔
جمال تو نے بڑا ظلم کیا ہے ۔۔۔۔۔۔۔۔۔ یارا گل لالہ کی شادی تو تیرے کزن سے
ہوگئ اور وہ بھی تیرے جانے کے چھے مہینے بعد ۔۔۔۔۔۔ کتنا ڈھونڈا چاچے نے
تجھے پھر ۔۔۔۔۔۔ اب بھی دونوں تیری راہ تک رہے ہیں ۔۔۔۔۔۔۔۔ اور ہاں تیری
بہن کی بھی شادی ہوگئی تھی ۔۔۔۔ لیکن اولاد نہ ہونے کی وجہ سے شوہر نے طلاق
دے کر گھر سے باہر نکال دیا تھا ۔۔۔۔۔۔۔۔
شاہ جی کی بات سن کر وہ دل مسوس کر رہ گئے ۔۔۔۔۔ اب کیا کر سکتے تھے
۔۔۔۔۔۔۔ کتنا ارمان تھا انہیں اپنی بہن کی شادی کا ۔۔۔۔لیکن ابا کی اپنی
بات پر اڑے رہنے اور ان کے جوانی کے جوش میں اٹھائے ققدم نے ان کی زندگی کے
یہ بارہ سال اپنوں سے دور رہنے کا سبب بن گئے تھے ۔۔۔۔۔۔۔۔۔۔ اگر وہ ہوتے
تو شاید ایسا نہ ہوتا ۔۔۔۔۔۔۔۔ اور ذکیہ کا شوہر ان کی بہن کے ساتھ ایسا
سلوک کرنے سے پہلے سوچتا ضرور ۔۔۔۔۔۔
ابھی بھی کچھ نہیں بگڑا جمال ۔۔۔۔۔۔۔۔۔۔۔۔ واپس جاؤ اور چاچے اور چاچی سے
اپنی غلطیوں کی معافی مانگ لو ۔۔۔۔۔ اب تو تیرے جانے کی راہ میں پڑا
کانٹابھی ہٹ گیا ہے ۔۔۔۔۔۔۔۔۔۔۔۔۔۔
ان کی بات سن کر وہ مسکرادئے ۔۔۔۔۔۔۔۔۔۔ پھر تین مہینے بعد ہی اپنے وطن شاہ
جی کے ساتھ ہی واپس لوٹ آئے ۔۔۔۔۔۔۔ والدین کے گلے لگ کر خوب روئے ۔۔۔۔۔۔
ابا بھی کافی بدل گئے تھے ۔۔۔۔۔۔۔۔۔۔ کافی نحیف اور لاغر دکھنے لگے تھے
۔۔۔۔۔۔۔ اور ماں جی تو ہڈیوں کا پنجر لگ رہی تھیں ۔۔۔۔۔۔۔۔۔۔۔ چمکتی آنکھیں
اندر دھنس گئی تھیں ۔۔۔۔۔۔۔۔ جن میں بنائی نہ ہونے کے برابر رہ گئی تھی
۔۔۔۔۔۔۔۔۔۔۔ ساری زمینوں اور کھیتوں پر ماموں ذات بھائیوں نے قبضہ کر لیا
تھا ۔۔۔۔۔۔۔۔۔ اور جلد ہی گاؤں میں رہ کر انہیں احساس ہو گیا تھا کہ زمیں
کی لالچ میں ان کے ماموں زاد بھائی کسی بھی حد تک جاسکتے ہیں ۔۔۔۔۔۔۔۔ ابا
کو بھی اس بات کا اندازہ تھا اس لئے جب جمال نے انہیں ساتھ چلنے کو کہا تو
فوراً مان گئے ۔۔۔۔۔۔۔۔۔ جلد ہی وہ ان سب کو لیکر لندن واپس لوٹ گئے
۔۔۔۔۔۔۔۔۔۔۔۔ اور وہاں جاتے ہی زکیہ کی شادی اپنے ایک مصری دوست مناف بن
حیان سے کر دی ۔۔۔۔۔۔۔۔۔۔۔ سال بھر بعد ہی زکیہ کو اللہ نے اولاد سے نواز
دیا ۔۔۔ اور وہ اپنے شوہر کے ساتھ مصر چلے گئیں ۔۔۔۔۔۔۔۔۔۔۔۔ ذکیہ کے جانے
کے دوسال کے اندر ہی پہلے ابا دمے کے شدید حملے کی نظر ہوگئے ۔۔۔۔۔۔۔۔۔۔۔۔
پھر ماں جی بھی انکے چھے مہینے بعد داغ مفارقت دے گئیں ۔۔۔۔۔۔۔۔۔۔۔۔ والدین
کی وفات کے بعد انکا دل پھر لندن میں نہیں لگا اور وہ پاکستان واپس لوٹ آئے
۔۔۔۔۔۔۔۔۔۔۔ اور کراچی میں ایک Luxurious فلیٹ خرید لیا ۔۔۔۔۔۔۔۔۔۔۔۔ جو
عین ساحل سمندر کے بالکل سامنے تھا ۔۔۔۔۔۔۔۔۔۔ ابھی یہ فلیٹس بالکل نئے بنے
تھے اس لئے ایکا دکا ہی آباد ہوئے تھے ۔۔۔۔۔ اور اس زمانے میں آبادی بھی
بہت کم تھی کلفٹن پر ۔۔۔۔۔۔۔۔۔۔ ایک دن شام کو وہ اپنی بالکنی میں کھڑے
سمندر کی پرشور لہروں کو دیکھ رہے تھے کہ انہیں ہلکے بےبی پنک شلوار قمیض
میں وہ نظر آگئی ۔۔۔۔۔۔۔ جس کی شکل تو دور سے دیکھ نہ سکے لیکن لامبی زلفیں
دور سے بھی نظر آرہی تھیں ۔۔۔۔۔۔۔۔۔۔۔۔۔۔ وہ کچھ دیر تک تو اس ماہ جبیں کو
دیکھتے رہے پھر اندر آگئے ۔۔۔۔۔۔۔۔۔ اب جب بھی بالکنی میں کھڑے ہوتے تو وہ
نظر آجاتی ۔۔۔۔۔۔ مگر دور سے چہرہ صاف دکھائی نہ دیتا ۔۔۔۔۔۔۔۔۔۔۔
اب ان کا روز کا معمول بن گیا تھا ٹھیک شام ساڑھے پانچ بجے اگر وہ آفس سے
جلدی آجاتے تب ایک کپ کافی کا لئے اپنی بالکنی میں کھڑے ہوجاتے اور اس لڑکی
کو اگر نظر آگئی تو دور سے صرف دیکھے جاتے ۔۔۔۔۔۔۔۔ اس دن بھی ڈھلتی دوپہر
گھر جانے اپنے ہوٹل جس پر ابھی بھی کنسٹرکشن کا کام چل رہا تھا سے اپنی گرے
فیاٹ میں نکلے تو اس لڑکی کا خیال آگیا ۔۔۔۔۔ کچھ بیچین سے ہوکر گاڑی کا رخ
فلیٹ کی طرف موڑنے کی بجائے اس کے سامنے سمندر کے قریب روک دی اور باہر نکل
آئے ۔۔۔۔۔ کچھ دیر تو گاڑی کے پاس کھڑے سمندر کی لہروں کو غائب دماغی سے
دیکھتے رہے ۔۔۔۔۔ پھر اپنے قدم سمندر کی طرف بڑھا دئے ۔۔۔۔۔۔۔۔۔۔ کافی دیر
اکیلے ٹہلتے رہے ۔۔۔ پرشور لہریں ان کے قدموں سے ٹکرا کر واپس سمندر میں گم
ہوجاتیں ۔۔۔۔۔۔۔۔۔۔ تنہائی کا احساس کچھ زیادہ ہی بڑھ گیا تھا ۔۔۔۔۔۔۔
ایشیاء اور یورپ میں ان کا بزنس بہت تیزی سے پھیل رہا تھا ۔۔۔۔۔۔۔۔ کئی
ملٹی نیشنل کمپنیز میں ان کے شیرز تھے ۔۔۔۔۔۔۔ لندن میں ایک 5star ہوٹل کے
مالک تھے اور کراچی میں بھی ایک ہوٹل جو ابھی زیر تعمیر تھا بھی انکی ملکیت
میں شامل تھا ۔۔۔۔۔ لیکن اتنی دولت کے باوجود وہ تنہا تھے ۔۔۔۔۔ ٣٣ سال کے
ہوچکے تھے لیکن ابھی تک شادی نہیں کی تھی ۔۔۔۔۔۔۔۔۔۔۔۔ بہت سے لوگوں کی ان
پر نظریں گڑی تھیں ۔۔۔۔۔۔۔۔۔۔ بزنس پارٹیز میں کئی الٹرا ماڈرن لڑکیاں ان
کی قربت اور ایک نطر کے لئے تڑپتی تھیں ۔۔۔۔۔۔۔۔۔۔ لیکن دوستی تو بہت دور
کی بات تھی وہ آنکھ اٹھا کر بھی کسی کی طرف نہیں دیکھتے تھے ۔۔۔۔۔۔۔۔ ایسی
پارٹیز شراب اور شباب سے خالی نہیں ہوتیں ۔۔۔۔ اور جمال شاہ کو نہ یہ بے
باک انداز اور ہوش ربا اداؤں سے مزین بگڑی ہوئی امیر زادیاں پسند تھیں اور
نہ ہی شراب کو کبھی ہاتھ لگایا تھا ۔۔۔۔۔۔۔۔۔۔انگلینڈ میں رہتے ہوئے بھی جب
دامن پر کوئی داغ نہیں لگا تھا تو اب کیا خاک بگڑتے ۔۔۔۔۔۔۔۔۔۔ مگر جب سے
وہ لڑکی نظر آئی تب سے ہی عجیب سے احساسات دل میں جاگے تھے ۔۔۔۔۔۔۔۔ وہ بعض
دفہ اپنی اس کیفیت پر حیران بھی ہوجاتے تھے کے ایک انجان لڑکی جس کی شکل
بھی صاف دیکھ نہیں پائے تھے اب کیسے ان کے دل و دماغ پر چھا گئی تھی
۔۔۔۔۔۔۔۔۔۔ اس وقت بھی سمندر کے کنارے ٹہلتے ہوئے وہ اس اجنبی لڑکی کے بارے
میں سوچے جا رہے تھے ۔۔۔۔۔۔۔۔ سورج کی تیز شعاعوں میں ایک نرماہٹ سی آتی
جارہی تھی ۔۔۔۔۔۔۔۔۔۔ دن کی روشنی رات میں مدغم ہونے لگی تھی ۔۔۔۔۔۔۔۔۔
سورج آہستہ آہستہ سمندر میں اترتا ہوا محسوس ہورہا تھا ۔۔۔۔۔۔۔۔۔۔۔۔ لیکن
اس حسین نظارے کی طرف دیکھنے کی بجائے وہ اپنی سوچوں میں کھوئے ہوئے تھے
۔۔۔۔۔۔ وہ اجنبی لڑکی انکے دل و دماغ پر چھاگئی تھی اور وہ خود کو اس
معاملے میں بے بس محسوس کر رہے تھے ۔۔۔۔۔۔۔
مجھے تو یہ بھی نہیں معلوم کہ تم کون ہو ۔۔۔۔۔۔۔۔ کہیں تم کسی کے ساتھ
انگیج تو نہیں ۔۔۔۔۔۔۔۔۔۔۔۔۔۔۔۔
وہ دل میں اس سے مخاطب تھے اور اس خیال کے آتے ہی بے چین سے ہو گئے
۔۔۔۔۔۔۔۔ تھکن کا احساس جب بڑھنے لگا تو سمندر میں غرق ہوتے سورج پر اچٹتی
نگاہ ڈالتے ہوئے پلٹے تو ذرا سے فاصلے پر کھڑے وجود پر نظر پڑ گئی اور قدم
وہی پر جم کر رہ گئے ۔۔۔۔۔۔۔۔۔۔۔
جاری ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
|