|
اسلام و علیکم زاکرہ ۔۔۔۔۔۔
وہ مسکراتے ہوئے میری طرف قدم بڑھاتے ہوئے بولی ۔۔۔۔۔
آ ۔۔۔ آ آ پ۔۔۔۔۔۔
میں اتنا ہی بول پائی تھی ۔۔۔۔
کیا اندر آنے کو نہیں کہوگی۔۔۔۔۔۔
ضرور آئیے ۔۔۔۔۔۔۔۔
میں کچھ شرمندہ سی ہوتی ہوئی مین ڈور سے ہٹ کر اسے اندر آنے کا راستہ دیا
۔۔۔۔۔ وہ مسکراتی ہوئی شاہانہ انداز سے چلتی ہوئی اندر آگئی ۔۔۔ اس کے
پیچھے دانیال بھی تفکرات میں ڈوبے ہوئے گھر کے اندر داخل ہوگئے ۔۔۔۔
ڈرائینگ روم میں جب وہ ایک صوفے پر بیٹھ گئی تو ہم اس کے سامنے والے صوفے
پر بیٹھ گئے ۔۔۔۔۔ حیرت کی بات یہ تھی میرے لئے کہ وہ پہلی بار میرے گھر
آئی تھی لیکن جس طرح وہ گھر میں داخل ہوئی تھی ایسا محسوس ہوا مجھے کہ وہ
اس گھر میں کئی بار آچکی ہے ۔۔۔ جیسے کچھ بھی اس کے لئے نیا نہ ہو ۔۔۔۔۔
اس طرح بن بلائے مہمان کی طرح یہاں آنے پر معافی چاہتی ہوں آپ سب سے ۔۔۔۔۔
اور زاکرہ بے فکر رہو میں یہاں عائیشہ کو لینے نہیں آئی ہوں بلکہ میں نے
اپنی بیٹی تمہیں ہمیشہ کے لئے سونپ دی ہے ۔۔۔۔۔ میں بس اسے صرف ایک نظر
دیکھنا چاہتی ہوں ۔۔۔۔
جی ضرور آپ اس سے مل لیں۔۔۔۔ لیکن آپ کو کیسے پتہ چلا کہ ہم نے اس کا نام
عائیشہ رکھا ہے ۔۔۔۔۔۔
دانیال جو اسکی بات سن کر ریلیکسڈ ہو گئے تھے پوچھا تو وہ مسکرا کر دانیال
کی طرف دیکھنے لگی ۔۔۔۔۔
میں عائیشہ سے کبھی غافل نہیں رہی دانیال صاحب ۔۔۔۔ میں یہ بھی جانتی ہوں
کہ آپ دونوں اسے اپنی بیٹی سے زیادہ چاہتے ہیں ۔۔۔۔۔ میرا انتخاب غلط نہیں
تھا اپنی بیٹی کے لئیے ۔۔۔۔۔ الحمدلله ایک اچھے خاندان میں پرورش پا رہی ہے
۔۔۔ اور مجھے کیا چاہئے ۔۔۔۔۔ کیا اب میں اسے دیکھ سکتی ہوں ۔۔
وہ ابھی سورہی ہے ۔۔۔۔۔ میں اسے اٹھاتی ہوں آپ اس سے مل لیں ۔۔۔۔۔۔
نہیں زاکرہ اسے اٹھانا نہیں ۔۔۔۔ میں اس کا سامنا اس طرح نہیں کرنا چاہتی
۔۔۔۔ اسے سونے دو ۔۔۔۔۔ میں اسے آخری بار نظر بھر کر دیکھنا چاہتی ہوں بس
۔۔۔۔
میں اسے تم لوگوں کے کمرے میں لے آئی ۔۔۔۔۔۔ تم اپنے بیڈ پر سوتی ہوئی ایک
معصوم فرشتہ لگ رہی تھیں ۔۔۔۔ وہ آہستہ چلتی ہوئی تمہارے بیڈ کے نزدیک آگئی
۔۔۔اور بہت آہستہ سے بیٹھ گئی ۔۔۔ اور تمہارے کالے چمکدار بالوں میں اپنی
مخروطی انگلیاں پھیرنے لگی ۔۔۔ اور پھر تمہاری پیشانی پر بوسہ دے کر اٹھ
کھڑی ہوئی ۔۔۔۔ وہ شدت جذبات کی وجہ سے کانپ رہی تھی ۔۔۔۔۔
ایک بات پوچھوں آپ سے ۔۔۔۔۔۔
وہ میری جانب پلٹی مگر بولی کچھ نہیں ۔۔۔۔۔۔
آپ نے عائیشہ کو میرے حوالے کیوں کیا تھا ؟ ۔۔۔ ۔۔۔۔۔ ایسی کیا مجبوری تھی
آپ کو ؟
کوئی ماں اپنی اولاد کو اس طرح دوسروں کے حوالے نہیں کرتی زاکرہ ۔۔۔۔ لیکن
مجھے حالات اس ڈگر پر لے آئے تھے کہ یہ تلخ فیصلہ کرنا پڑا ۔۔۔۔۔۔ ہر دن
ہمارے لئے ایک قیامت کا دن ہوتا ہے ۔۔۔۔ لیکن خیر تم نہیں سمجھو گی۔۔۔۔۔۔
وہ یہ کہتی ہوئی میرے نہایت نزدیک آگئی ۔۔۔ اور سرگوشی میں بولی ۔۔۔۔۔۔۔۔
تم وہ چوکلیٹس اور کھلونے جو ہم بچیوں کے سرہانے روز رکھ جاتے ہیں انہیں
کیوں نہیں دیتیں ۔۔۔۔۔ انہیں دے دیا کرو زاکرہ ۔۔۔۔۔۔۔۔
میں حیرت سے اسے دیکھنے لگی تو وہ مسکرادی ۔۔۔۔۔۔۔۔۔۔
آپ ۔۔۔۔۔۔ وہ آپ لاتی تھیں ۔۔۔۔۔۔ لیکن آپ گھر کے اندر کیسے آتی تھیں؟
میری اس بات پر وہ پرسرار مسکراہٹ کے ساتھ مجھے دیکھنے لگی ۔۔۔۔۔۔۔۔
ٹھیک ہے آئندہ نہیں لائینگے کچھ بھی ۔۔۔۔ لیکن ایک وعدہ کرو تم وہ ساری
چوکلیٹس اور کھلونے انہیں دے دو گی جو ہم بچیوں کے لئے لائے تھے ۔۔۔۔۔
مگر میں تو وہ سب پھینک چکی ہوں۔۔۔۔۔۔۔۔۔
مجھ پر اب خوف طاری ہونے لگا تھا ۔۔۔۔۔۔۔
نہیں وہ سب عائیشہ کی الماری میں رکھے ہیں ۔۔۔ چاہو تو دیکھ لینا ۔۔۔۔۔۔
اور زاکرہ ہم سے ڈرو نہیں ہم تمہارے لئے کبھی نقصاندہ ثابت نہیں ہوسکتے ۔۔۔
اور ہم کوئی بھوت پریت بھی نہیں ہیں ۔۔۔۔ بس حالات کے مارے ہوئے ۔۔۔ اپنوں
کی کرنی کا پھل بھگت رہے ہیں ۔۔۔۔۔۔ مجبوریاں کچھ ایسی ہیں کہ ہم تمہیں بتا
بھی نہیں سکتے ۔۔۔ مگر ایک بات یاد رکھنا جن حالات سے ہم گزر رہے ہیں ۔۔۔۔
عائیشہ کو بھی انہی حالات کا سامنا کرنا پڑے گا ۔۔۔۔۔۔ چاہے تم اور ہم لاکھ
کوشش کرلیں وہ پہچان لی جائیگی کہ وہ کون ہے۔۔۔ اس لئی ہم چاھتے ہیں کہ تم
اسے بتا دینا جب وہ بڑی ہو جائے ۔۔۔۔۔ تاکہ وہ ان حالات کا مقابلہ کر سکے
۔۔۔۔ اور کہیں بیخبری میں نقصان نہ اٹھالے ۔۔۔۔۔۔ تمہارے خاندان کی ہم ساری
زندگی حفاظت کرتے رہینگے جب تک زندگی ہے ہماری انشاالله ۔۔۔۔۔۔۔ جس طرح
تمہیں عائیشہ سنئیہ سے زیادہ عزیز ہے اسی طرح سنئیہ ہمیں عزیز ہے ۔۔۔۔۔
لیکن وقت بہت ظالم ہے زاکرہ۔۔۔۔۔۔ اس لئے ہم پھر التجا کرتے ہیں تم سے کہ
تم وقت آنے پر اسے بتا دینا ۔۔۔۔۔ کہیں دشمن اس کی بیخبری کا فائیدہ نہ
اٹھا لیں ۔۔۔۔۔۔
میں اس عورت کی پرسرار باتیں سن کر چکرا گئی تھی ۔۔۔۔ پھر وہ میرا ہاتھ
اپنے دونوں ہاتھوں میں لے کر مجھے دیکھنے لگی ۔۔۔۔۔
ہم تمہیں اب کبھی بھی نظر نہیں آئینگے زاکرہ ۔۔۔۔ یہ ہمارا وعدہ ہے ۔۔۔۔
لیکن حقیقت جاننا عائیشہ کےلئے ضروری ہے ۔۔۔۔ اس کی بقاء اسی میں ہے کہ وہ
جان لے کےوہ کون ہے ۔۔۔۔۔
میں بھی آپ سے وعدہ کرتی ہوں عائیشہ کو جب وہ بڑی ہو جائیگی تو آپ کے بارے
میں بتا دونگی۔۔۔۔۔
وہ عورت تم کو مستقبل میں پیش آنے والے جن حالات سے مجھے باخبر کر رہی تھی
نہ چاہتے ہوئے بھی میں اس پر یقین کرنے پر مجبور ہوگئی تھی ۔۔۔۔۔
اچھا اب ہمیں اجازت دو الله عائیشہ اور تم سب کی حفاظت کرے آمین ۔۔۔۔۔۔
یہ کہتے ہوئے وہ کمرے سے نکل گئی۔۔۔۔ میں بھی اس کے پیچھے کمرے سے نکل آئی
۔۔۔ پھر وہ رکی نہیں ۔۔۔ ڈرائینگ روم میں جانے کی بجائے وہ باہر جانے
لگی۔۔۔۔۔دانیال لاؤنج میں بیٹھے ہوئے تھے ۔۔۔۔۔ ہم اسے گیٹ تک چھوڑنےگئے
۔۔۔۔۔۔ جب وہ گیٹ سے نکلنے لگی تب ۔۔۔۔
آپ نے اپنا نام نہیں بتایا ۔۔۔۔۔
فاطمہ نام ہے ہمارا ۔۔۔۔۔۔۔
وہ گیٹ سے باہر قدم رکھ چکی تھی گردن موڑ کر میری اور دانیال کی طرف دیکھتے
ہوئے کہہ کر تیزی سے باہر نکل گئی ۔۔۔۔۔۔
اس کے جانے کے بعد بیٹی میں نے تمہاری الماری کھول کر دیکھی تو اس میں وہ
ساری چاکلیٹس اور کھلونے رکھے ہوئے تھے ۔۔۔۔ حالانکہ اس اسے پہلے کئی بار
بلکہ ہر روز ہی الماری کھل بند ہوتی تھی ۔۔۔۔۔۔ اس وقت کچھ بھی نہیں تھا
اور اب یہ چاکلیٹس اور کھلونے ۔۔۔۔۔۔۔ خیر دانیال کو میں نے ساری باتیں بتا
دیں جو اس کے اور میرے درمیاں ہوئی تھیں ۔۔۔۔۔۔۔۔۔۔۔ وہ سن کر پریشان
ہوگئے۔۔۔۔۔۔۔۔۔۔۔
عائیشہ کو کچھ نہیں ہوگا زاکرہ الله پر بھروسا رکھو ۔۔۔۔۔۔۔۔۔۔۔۔۔
ہاں آپ ٹھیک کہتے ہیں ۔۔۔ لیکن میں اس سے وعدہ کر چکی ہوں کہ عائیشہ کے بڑے
ہوتے ہی اسکے بارے میں اسے بتا دونگی ۔۔۔۔
ٹھیک ہے لیکن میں یہی دعا کرونگا کے وہ دن آنے سے پہلے الله مجھے اٹھا لے
۔۔۔۔۔۔۔۔۔۔۔۔۔۔۔۔
ایسی باتیں کیوں کر رہے ہیں آپ ۔۔۔۔ الله آپ کو لمبی عمر دے آمین
۔۔۔۔۔۔۔۔۔۔۔۔۔۔
میں ان کی بات سن کر ہول گئی تھی ۔۔۔۔۔۔۔۔۔۔۔۔
وہ میری بات پر خاموش خلا میں نا جانے کیا تلاش کرنے لگے تھے اس وقت ۔۔۔
میں نے وعدہ تو کر لیا تھا فاطمہ سے لیکن خود سے عہد کیا تھا کہ اپنی زندگی
میں تمہیں یہ پتہ نہ لگنے دونگی کے میں تمہاری ماں نہیں ہوں ۔۔۔۔۔۔۔۔۔۔
عائیشہ جانتی ہو یہ لکھتے ہوئے مجھے کتنی تکلیف ہو رہی ہے ۔۔۔ کہ میں
تمہاری سگی ماں نہیں ہوں ۔۔۔۔۔۔ لیکن میں رضاعی ماں تو ہوں نا۔۔۔۔۔۔۔۔۔۔۔۔
آہ ۔۔۔۔۔ میری جان ایک ماں کے لئے یہ بہت تکلیف دہ ہوتا ہے۔۔۔۔ جب تم ماں
بنوگی تب تمہیں پتہ چلے گا ۔۔۔۔۔ خیر فاطمہ نے جو کہا ویسا ہی ہوا ۔۔۔۔۔
عجیب پرسرار واقعات ایک دم بند ہوگئے ۔۔۔۔۔۔۔۔۔۔۔ میں نے اس کی لائی ہوئی
تمام چاکلیٹس اور کھلونے تم دونوں میں بانٹ دیں ۔۔۔۔ وہ عورت پرسرار ی تھی
۔۔۔۔۔۔۔۔۔۔ لیکن تم میں ہم نے کسی قسم کی مافوق الفطرت حرکات نہیں دیکھیں
۔۔۔۔۔۔ تم ّ عام بچوں کی طرح تھیں ۔۔۔۔۔۔۔۔۔ ہاں البتہ بے انتہا ذہین بچی
تھیں شروع سے ۔۔۔۔۔۔۔۔۔۔۔۔۔۔۔ دانیال کی اچانک ہارٹ اٹیک سے موت اور پھر
خالوجان اور خالہ اماں کے انتقال نے مجھے اندر سے توڑ ڈالا تھا ۔۔۔۔ لیکن
تم دونوں کے لئے میں نے اپنے اندر ہمت پیدا کی اور پھر عدت کے بعد دانیال
کا بزینس سنبھال لیا۔۔۔۔میں نے یہ ڈائیری دانیال کی وفات کے بعد لکھنی شروع
کی تھی ۔۔۔۔۔۔۔۔۔۔۔۔ اور میں یہ ڈائیری تمہارے لئے لکھنی شروع کی میری جان
۔۔۔۔۔۔میری چھوٹی سی اپسرا کے لئے ۔۔۔۔۔ جانتی ہو مجھے تم سے کتنی محبت
ہے۔۔۔۔۔۔ اس وقت میں رو رہی ہوں ۔۔۔ آنسو رکنے کا نام نہیں لے رہے ۔۔۔۔ اس
وقت یہ جملہ یہ الفاظ لکھتے ہوئے میں صرف تمہیں سوچ رہی ہوں ۔۔۔کہ تم کیسا
محسوس کر رہی ہوگی اسے پڑھتے ہوئے ۔۔۔ میں تمہاری تکلیف کو محسوس کر رہی
ہوں میری جان میری اپسرا ۔۔۔۔۔ بیٹی یہ جان کر کہ میں تمہاری ماں نہیں
تمہیں تکلیف ہوگی ۔۔۔ لیکن کبھی یہ بدگمانی دل میں مت آنے دینا کہ تم ہماری
بیٹی نہیں ۔۔۔۔۔ میں نے تمہیں جنم نہیں دیا لیکن تم میرے وجود کا ہی حصہ ہو
۔۔۔۔ ہوسکے تو اپنی اس ماں کو معاف کر دینا کہ تم سے اتنی بڑی حقیقت چھپائے
رکھی ۔۔۔۔۔۔۔ اور ایک وعدہ کرو مجھ سے کہ سنئیہ کو اس حقیقت کے بارے میں
کچھ نہیں بتاؤگی ۔۔۔۔ ہو سکے تو مجھے اور اپنے بابا جانی کو معاف کر دینا
۔۔۔۔۔۔۔۔۔۔
تمہاری اماں بی
××××××××××××
باقی آئندہ ۔۔۔۔۔ |