مشکل راستے قسط ٢
(farah ejaz, dearborn, mi USA)
دو مہینے کس طرح بیت گئے کچھ
پتاہی نہیں چلا ۔۔ ہاں بس اتنا یاد ہے اماں بی کی میت ملتان سے کراچی آنے
میں دو ہفتے لگ گئے ۔۔۔۔۔لیکن ان کے چہرے پر جو نور تھا وہ کچھ اور بڑھ گیا
تھا ۔۔۔۔۔۔۔۔۔کراچی ائرپورٹ پر میں اپنے ماموں کے ساتھ ان کی ڈیڈ باڈی لینے
خود گئی تھی۔۔۔۔۔۔۔باقی کا مرحلہ بھی انہیں آخری آرام گاہ پہچانے تک میں نے
خود کو مضبوط بنائے رکھا ۔۔۔۔۔۔۔۔۔۔۔۔۔۔پتہ نہیں اتنا حوصلہ کہاں سے میرے
اندر پیدا ہوگیا تھا میں پھر روئی نہیں۔۔۔۔۔۔اماں بی کو با با جانی کے پہلو
میں جگہ ملی ۔۔۔۔۔۔۔۔ با با جانی تو ہمارے بچپن میں ہی ہارٹ اٹیک سے انتقال
کر گئے تھے ۔۔۔۔۔۔۔۔ اور اماں بی نے جس ہمت اور حوصلے سے ہماری پرورش کی
تھی وہ قابل تحسین تھا ۔۔۔۔۔۔۔۔۔با با جانی کی ٹکسٹائل مل کو انہوں نےخود
ہی سنبھالا تھا ۔۔۔۔۔۔۔لیکن ہماری پرورش سے غافل ایک لمحے کو نہیں ہوئیں
۔۔۔۔۔۔وہ پڑھی لکھی خوبصورت خاتون تھیں ۔۔۔۔۔ فیشن اینڈ ٹیکسٹائل انڈسٹری
سے تعلق ہوتے ہوئے بھی وہ کہیں سے فیشن کی ماری ایک ارب پتی خاتون نہیں
لگتی تھیں ۔۔۔۔۔۔ انہوں نے ہماری پرورش بھی انہی خطوط پر کی ۔۔۔۔ہم دونوں
کو سر پر نہیں چڑھایا ۔۔۔۔۔ہر کام ہاتھ سے کرنے کی عادت ڈالی ۔۔۔۔ہمارا
گھرکہیں سے بھی ایک ارب پتی کا گھرنہیں لگتا تھا ۔۔۔۔۔۔ بلکہ کسی سفید پوش
کا ایک چھوٹا سا چارسو گز پر بنا آشیانہ تھا ۔۔۔۔۔ قناعت پسند خود بھی تھیں
اور ہم بھی قناعت اور صبر کا سبق پڑھتے ہوئے جوان ہوئیں ۔۔۔۔۔۔۔ میں سنئیہ
سے تین سال بڑی تھی ۔۔۔۔۔ میری بہترین دوست سنئیہ اور اماں بی ہی تھیں
۔۔۔۔۔۔۔۔ میں نے گریجوئیشن اپنا مکمل کرنے کے بعد فیشن اینڈ ٹیکسٹائل
ڈیزائیننگ میں چار سال کی بیچلر ڈگری لی اب اماں بی کے ساتھ چھے مہینے سے
مل جانے لگی تھی ۔۔۔۔۔سنئیہ میڈیکل کے ففتھ ائیر میں تھی ۔۔۔۔ہم دونوں ہی
بہنے بہت خوبصورت تھیں ۔۔۔۔۔ سنئیہ بالکل اماں بی کی طرح گوری چٹی اور انکی
طرح حسین نقش ۔ و نگار رکھتی تھی ۔۔۔۔ اسکی مسکراہٹ بھی بالکل اماں بی جیسی
تھی ۔۔۔۔۔۔۔ اور بابا جانی جیسی بڑی بڑی آنکھیں تھیں اس کی ۔۔۔۔۔۔۔ اور میں
نہ بابا جانی جیسی تھی اور نہ اماں بی جیسی تھی ۔۔۔۔۔۔ سنہری رنگت اور ایک
دم سیاہ کالی بڑی بڑی چمکدار بادامی آنکھیں ۔۔۔۔۔فراق پیشانی ۔۔۔۔اور لامبی
کھڑی ناک ۔۔۔۔سرخ گلاب جیسے ہونٹ اورنچلے ہونٹ کے داہنے کٹاؤکے پاس ایک
چھوٹا ساتل ۔۔۔۔۔ لامبی زلفیں اور لمبا قد میری شخصیت کو بہت خوبصورت بناتا
تھا ۔۔۔۔۔۔۔ اماں بی لاڈ سے مجھے چھوٹی سی اپسرا کہتی تھیں ۔۔۔بابا جانی
بھی سنئیہ سے زیادہ مجھے چاہتے تھے ۔۔۔۔۔ باباجانی کے انتقال کے بعد میں
بالکل گم سم سی ہوگئی تھی ۔۔۔مجھے کافی عرصہ لگا تھا سنبھلنے میں ۔۔۔۔اور
اب اماں بی کے اس طرح بے دردی سے قتل نے مجھے اندر سے توڑ ڈالا تھا ۔۔۔۔۔
لیکن باہر سے میں ایک مضبوط چٹان سی لگنے لگی تھی ۔۔۔۔۔۔۔
××××××××××××××××××
اس دن بھی میں مل سے واپسی پر گھر کی چھوٹی سی لائبریری میں بیٹھی اماں بی
کی لکھی ان چھوٹی چھوٹی نظموں کو پڑھنے میں محو تھی کہ ککو جو ہماری ملازمہ
کم گھر کی فرد ہی کی طرح ہیں نے آکر انکل وجاہت کے آنے کی اطلاع دی۔ ۔۔۔۔۔۔
انہیں بٹھائیے ڈرائینگ روم میں ۔۔۔۔۔اور ہاں چائے بنا لیجئے گا انکل کے لئے
۔۔۔۔۔میں ابھی آتی ہوں ۔۔۔۔۔۔
میں اپنی جگہ سے اٹھتے ہوئے ککو کو ہدایت دینے لگی ۔۔۔۔اور شیلف میں کتاب
رکھ کر باہر نکل آئی ۔۔۔۔۔۔۔
اسلام و علیکم انکل ۔۔۔۔۔۔۔
وعلیکم اسلام ۔۔۔۔۔ بیٹی کیسی ہو ۔۔۔۔۔۔۔۔۔
الحمداللہ ۔۔۔۔۔ ٹھیک ہوں ۔۔۔۔۔آپ کیسے ہیں۔۔۔۔۔۔۔
میں بھی اللہ کا شکر ہے ٹھیک ہوں ۔۔۔۔۔کچھ امپورٹنٹ ڈاکیومنٹس ہیں بیگم
صاحبہ کے اور کچھ امانتیں تم تک پہنچانے کی ہدایت کی تھی انہوں نے ۔۔۔۔
ایک بڑے سے خاکی لفافے سے وہ کاغذات نکالتے ہوئے بولے تھے ۔۔۔۔میں ان کے
برابر والے سوفے پر بیٹھ کر ان کے ہاتھ سے کاغذات لے کر دیکھنے لگی ۔۔۔۔جائیداد
کی تقسیم سے متعلق قانونی دستاویزات تھیں ۔۔۔۔۔ جنہں تفصیل سے وجاہت انکل
مجھے سمجھانے لگے ۔۔۔۔۔ بابا جانی کا کوئی عزیز اس دنیا میں نہیں تھا ۔۔۔
اس لئے یہ ساری جائیداد صرف ہم دونوں کے نام تھی ۔۔۔۔۔۔ سنئیہ کو بھی انکل
نےوہیں بلا لیا تھا ۔۔۔۔
عائشہ ہی سب کچھ سنبھال لے گی انکل ۔۔۔۔مجھے بزنس میں کسی طرح کا کوئی
تجربہ اور انٹرسٹ نہیں ہے
۔۔۔۔میری تو فیلڈ ہی الگ ہے ۔۔۔۔
سنئیہ میری طرف دیکھ کر بولی تو وہ مسکرا دئیے ۔۔۔۔۔
میڈم نے اس کا ذکر کیا تھا اور انہوں نےآپ کے کلینک کے لئے زمین بھی خرید
لی تھی ۔۔۔۔۔ اس پر کنسٹرکشن کا کام بھی شروع کر وا دیا تھا ۔۔۔وہ آپ کو
سرپرائیز دینا چاھتی تھیں ۔۔۔۔۔لیکن زندگی نے ان سے وفا نہیں کی ۔۔۔۔۔۔ خیر
یہ رہے اس کے کاغذات ۔۔۔۔۔۔
وہ اسکی طرف چند کاغذات بڑھاتے ہوئے بولے تھے ۔۔۔۔سنئیہ کپکپاتے ہاتھوں سے
وہ کاغذات لے کر خاموشی سے اٹھ گئی ۔۔۔ شاید وہ ضبط کر رہی تھی انکل کے
سامنے ورنہ میں جانتی تھی کہ اس وقت اس کے کیا محسوسات ہورہے ہونگے ۔۔۔۔۔انکل
کو خداحافظ کہ کر وہ باہر نکل گئی ۔۔۔۔۔۔
یہ تمہاری امانت ہے بیٹی ۔۔۔۔۔۔
یہ کیا ہے انکل ؟؟؟
اس کے جانے کے بعد انکل میری طرف ایک درمیانی سائز کا لفافہ جو کے سیلڈ پیک
تھا بڑھاتے ہوے کہنے لگے ۔۔۔۔۔۔
بیٹی یہ جب زاکرا میڈم نے میرے پاس امانت کے طور پر رکھوایا تھا تب تاکید
کی تھی کے اسے صرف تمہارے حوالے ہی کروں اور کسی کے نہیں ۔۔۔۔۔اچھا اب میں
چلتا ہوں۔۔۔۔۔۔
انکل چائے کا آخری گھونٹ لے کر اٹھ کھڑے ہوئے ۔۔۔۔۔۔۔
آللہ تم دونوں کو اپنے حفظ۔و۔امان میں رکھے ۔۔۔۔ آمین۔۔۔۔۔ اچھا بیٹا اللہ
حافظ ۔۔۔۔۔۔
اللہ حافظ ۔۔۔۔۔۔۔۔
یہ کہتے ہوئے اشکبار آنکھوں کے ساتھ باہر نکل گئے ۔۔۔ میں بوجھل قدموں سے
اندر لاؤنج میں آگئی ۔۔۔۔ کمرے سے رونے کی آواز آرہی تھی ۔۔۔میں جلدی سے
کمرے میں گئی تو سنئیہ اپنے بیڈ پر اوندھی لیٹی رو رہی تھی ۔۔۔۔۔۔
سنئیہ میری جان کیا ہوا ۔۔۔۔۔۔
میں اس کے پاس بیڈ پر بیٹھ گئی ۔۔۔۔۔۔ اور اس کے خوبصورت ریشمی برائون
بالوں میں انگلیاں پھیرتے ہوئے اس سے پوچھنے لگی ۔۔۔۔۔وہ سر اٹھا کر مجھے
تھوڑی دیر دیکھتی رہی پھر میری گود میں سر رکھ کر پھر سے رونے لگی ۔۔۔۔۔۔
اماں بی مجھےبہت یاد آرھی ہیں عائیشہ ۔۔میں کیا کروں ۔۔۔۔۔کسی پل چین نہیں
مل رہا ۔۔۔پلیز مجھے اماں بی لادو ۔۔۔۔۔۔
اس کے اس طرح رونے اور اماں بی کو یاد کرنے پر میرا بھی دل بھر آیا ۔۔۔۔۔۔۔
ایسے نہیں کہتے گڑیا ۔۔۔۔۔۔ جانے والے واپس تھوڑی آسکتے ہیں پگلی ۔۔۔۔۔
دیکھو اپنی اسٹڈیز پر دھیان دو تمہارا لاسٹ ائیر ہے میڈیکل میں ۔۔ چند
مہینے رہ گئے ہیں ڈئیر سس ۔۔۔۔۔
نہیں ہوتی مجھسے پڑھائی عائیشہ ۔۔۔ جب بھی پڑھنے بیٹھتی ہوں تو اماں بی کا
چہرا میرے سامنے آجاتا ہے ۔۔۔۔۔میں کیا کروں ۔۔۔۔
وہ گود میں سر رکھے مجھ سے بے بسی سے کہنے لگی ۔۔۔۔۔
کیا تم چاہتی ہو جو خواب اماں بی نے تمہارے حواے سے دیکھا تھا وہ ادھورا رہ
جائے ۔۔۔۔۔ اماں بی نے بابا جانی کے انتقال پر کتنا صبر کا تھا ۔ خود کو
ٹوٹنے بکھرے نہیں دیا تھا ۔۔۔۔۔اگر وہ بھی ہمت ہار کر بیٹھ جاتیں تو نہ
ہماری بہتر پرورش کر پاتیں اور نہ ہی بابا جانی کی پرو پرٹی اور بزنس کو
ہینڈل کر پاتیں ۔۔۔۔۔ ہمیں اماں بی کو اپنا آئڈئل بنا نا ہوگا سنئیہ
۔۔۔۔اور اپنے قدم زمین پر مضبوطی سے جمانے ہونگے کے کوئی آندھی یا طوفان
انہیں اکھاڑ نہ پائے ۔۔۔۔۔ جو خواب اماں بی نے ہمارے متعلق دیکھے تھے
۔۔۔۔۔۔ سنئیہ جان میں چاہتی ہوں ہم مل کر وہ پورا کیں۔۔ انکے خوابوں کی
زندہ تعبیر بن جائیں ۔۔۔۔۔
پیار سے اس کے موتی جیے آنسو صاف کرتے ہوئے میں اسے سمجھانے لگی ۔۔۔۔۔ وہ
چپ چاپ خاموش پر سوچ نظروں سے مجھے دیکھ رہی تھی ۔۔۔۔۔
تم سہی کہتی ہو عائیشہ ۔۔۔۔میں انکی باتیں بھولنے لگی تھی ۔۔۔جو اماں بی ہم
سے کہتی تھیں ۔۔۔۔ اب میں مایوسی کی باتیں نہیں کرونگی ۔۔۔۔۔
شاباش میری بہن مجھے تم سے یہی امید ہے ۔۔۔ ہم انہیں واپس لا تو نہیں سکتے
۔۔لیکن۔۔۔۔ انکی یادوں کو انکی محبت کو دل میں ہمیشہ آباد رکھ سکتے ہیں
۔۔۔۔۔۔۔
میری بات سن کر اس نے اپنی بانہیں میرے گلے میں ڈالدیں ۔۔۔۔۔۔
میں اماں بی جیسی لگتی ہوں لیکن تم نے ان کی تمام خصوصیات لے لی ہیں ۔۔۔۔
وہی عزم و ہمت جو اماں بی کی خصوصیات تھیں وہ تمہارے اندر بھی ہیں ۔۔۔۔۔۔
اچھا اب چلو سو جاؤ تم ۔۔۔۔۔۔ رات کے گیارہ بج رہے ہیں ۔۔۔۔۔
میں اسے بیڈ پر لٹا کر اسکی پیشانی پر بوسا دے کر اپنے بیڈ پر آکر لیٹ گئ
۔۔۔۔۔ لیکن نیند ندارد ۔۔۔۔۔سنئیہ تو سو گئ آدھے گھنٹے میں۔۔۔۔لیکن میں سو
نہ پائی ۔۔۔۔۔۔ اماں بی کے ساتھ گزارے پل ایک فلم کی طرح میرے ذہن کی
اسکرین پر چلنے لگے تھے پھر سوتی کیسے ۔۔۔۔۔ اچانک کروٹ بدلنے پر اس خاکی
لفافے پر نظر پڑھ گئی تو اسے اٹھا کر کمرے سے باہر آگئی ۔۔۔۔۔۔۔۔۔۔۔۔۔
لاؤنج کی دوسری طرف اماں بی کے کمرے کے بازو میں چھوٹی سی خوبصورت لائبریری
ھے ۔۔۔۔۔۔۔ لائبریری کی لائیٹس آن کر کے میں اماں بی کی مخصوص راکنگ چئیر
پر بیٹھ گئی ۔۔۔۔۔ اور اس خاکی لفافے کو کھولا تو ایک خوبصورت سلور ڈائیری
میرے ہاتھ میں آگئی ۔۔۔۔۔۔۔ لفافے میں اور کچھ نہیں تھا ۔۔۔۔ ڈائیری کو
کھولا تو پہلے ہی پنے پر اماں بی کی خوبصورت لکھائی میں چھوٹا سا جملہ لکھا
تھا ۔۔۔۔۔
پیاری بیٹی عائیشہ کے نام ۔۔۔۔۔۔
میں کتنی ہی دیر اس ایک چھوٹے سے جملے پر ہاتھ پھیرتی رہی ۔۔۔۔۔ اسے چومتی
رہی ۔۔۔۔۔۔۔ مجھے ایسا لگ رہا تھا جیسے اماں بی میرے آس پاس ہی ہیں ۔۔۔۔۔۔
بہت قریب ۔۔۔۔۔آنکھوں میں امنڈ آئے پانی کو بیدردی سے ہاتھ سے پونچھ ڈالا
اور ڈائیری پڑھنے لگی ۔۔۔۔۔ میں اماں بی کو پڑھ رہی تھی ۔۔۔۔۔۔۔۔۔۔انکی
زندگی کی کہانی کو پڑھ رھی تھی ۔۔۔۔۔۔۔۔ |
|