مشکل راستے قسط ٥
(farah ejaz, dearborn, mi USA)
ڈائیری میرے ہاتھ میں تھی ۔۔۔۔۔۔
اور اماں بی نے آگے کچھ نہیں لکھا تھا۔۔۔۔ باقی صفحے خالی تھے۔۔۔۔۔۔
کیوں اماں بی آپ نے ایسا کیوں کیا ۔۔۔۔ آ۔۔۔۔۔آپ مجھے ۔۔۔۔ کاش مجھے یہ
حقیقت نہ بتائی ہوتی ۔۔۔۔۔ آہ ۔۔۔۔کک مم میں آپکی بیٹی نہیں۔۔۔۔۔۔۔۔ بابا
جانی کی بیٹی نہیں ۔۔۔۔ کاش آپ واپس آجائیں اور کہہ دیں کہ یہ سب جھوٹ ہے
۔۔۔۔۔ یہ ۔۔۔یہ سب آپ نے نہیں لکھا ہے ۔۔۔۔۔۔
میں وہ ڈائیری پڑھتی گئی اور ایک نا معلوم سا دکھ میرے اندر اتر تا چلا گیا
۔۔۔۔مجھے اس حقیقت کو جان کر جو تکلیف ہوئی تھی ۔۔۔۔۔۔ جو کرب اور اذیت سے
میں گزر رہی تھی وہ میرا دل ہی جانتا ہے ۔۔۔۔۔ جنہیں آپ پوری زندگی اپنا
سمجھتے رہے ہوں اور اچانک پتہ چلتا ہے کہ ان سے آپ کا کوئی تعلق ہی نہیں ہے
۔۔۔ تو آپ کے محسوسات کیا ہونگے ۔۔۔۔ میرے تو پیروں کے نیچے سے جیسے زمین
ہی سرک گئی تھی ۔۔۔۔۔ میرا وجود ایک سوالیا نشان کی طرح لگ رہا تھا مجھے
۔۔۔ سارے رشتے چھن گئے تھے ایک ہی پل میں ۔۔۔۔۔۔ اس سمعے جیسے کسی نے مجھے
جلتی دھوپ میں لاکھڑا کیا ہو ۔۔۔۔۔۔ میں لے پالک تھی یہی بہت تکلیف دہ بات
تھی میرے لئے ۔۔۔۔ ایک آگ تھی جو مجھے جلا رہی تھی اور اس آگ میں شاید سب
جل کر خاک ہونے والا تھا۔۔۔۔۔ میں بے آواز رورہی تھی ۔۔ آنسو تھمنے کا نام
نہیں لے رہے تھے۔۔۔۔۔۔ اور اس وقت میری پیاری اماں بی میرے پاس نہیں تھیں
۔۔۔۔۔ جو میرے آنسو پونچھتیں ۔۔۔مجھے سینے سے لگا لے تیں ۔۔۔۔ لیکن وہ کہیں
نہیں تھیں ۔۔۔۔ شائد وہ جانتی تھیں اس لئے اپنی موت کے بعد ہی مجھے خبر
ہونے دی ۔۔۔۔ میں روتے روتے ہی سو گئی تھی ۔۔۔۔ پتہ نہیں کیسے آنکھ لگ گئی
۔۔۔۔۔۔
اٹھو بیٹی ۔۔۔۔۔ فجر کی نماز کا وقت ہو گیا ہے ۔۔۔۔۔۔ وضو کرلو ۔۔۔۔۔۔
کوئی پیار سے میرے سر پر ہاتھ پھیرتے ہوئے بولا ۔۔۔۔۔۔ میں نے اس آواز پر
ایک دم آنکھیں کھول دیں ۔۔۔۔۔ تو میرے نزدیک ایک نہایت نورانی شکل کے بزرگ
کھڑے ہوئے تھے ۔۔۔۔۔۔ عربوں جیسا لباس زیب تن کئے ہوئے ۔۔۔۔۔۔ سفید براق
داڑھی اور چہرے پر اتنا نور کہ میں زیادہ دیر انکی طرف دیکھ نہ پائی ۔۔۔۔۔
میں جو روکنگ چئیر پر ہی بیٹھے بیٹھے سوگئی تھی فوراُ اٹھ بیٹھی ۔۔۔۔۔۔۔
آ آآپ کک کون ہیں اور اندر کیسے آئے ۔۔۔۔۔۔۔
میں تو ہمیشہ سے ہی یہاں رہتا ہوں ۔۔۔۔ البتہ آپ سے پہلی بار بات ہو رہی ہے
۔۔۔۔۔۔۔
میرے پوچھنے پر وہ بولے ۔۔۔۔۔۔۔۔
لیکن افف ۔۔۔۔ یہ سب کیا ہے ۔۔۔۔۔ میرے مالک۔۔۔۔
میں سر پکڑ کر پھر سے روکنگ چیئر پر بیٹھ گئی ۔۔۔۔۔
پریشان مت ہو بیٹی ۔۔۔۔۔ اللہ نے چاہا تو تم پر سب کچھ واضح ہوجائے
گا۔۔۔۔۔۔
وہ سمجھانے والے انداز میں مجھ سے کہنے لگے ۔۔۔۔۔۔۔۔۔۔۔۔
حیرت کی بات یہ تھی کہ مجھے ان سے خوف محسوس نہیں ہو رہا تھا ۔۔۔۔ میں صرف
حیران تھی ۔۔۔۔۔ جو کچھ اماں بی کی ڈائری سےمجھے پتہ چلا تھا وہ بھی کم
حیران کن نہ تھا۔۔۔۔۔۔ اور اب یہ بزرگ ایک کے بعد ایک عجیب واقعات کا تسلسل
لگتا تھا شروع ہو چکا تھا ۔۔۔۔ اور شائد یہ ابتدا تھی۔۔۔۔۔۔
پھلے وضو کرلو ۔۔۔۔۔۔ نماز کے بعد آپ سے تفصیل سے بات ہوگی ۔۔۔۔۔۔۔۔
پتہ نہیں کیوں میں انکے کہنے پر لائبریری سے باہر نکل آئی ۔۔۔۔ پھراپنے
اورسنئیہ کے مشترکہ کمرے میں داخل ہوئی تو سنئیہ کو گہری نیند سوتے ہوئے
پایا ۔۔۔ میں چپ چاپ واش روم میں جاکر وضو کرنے لگی ۔۔۔۔
پھر وضو کر کے اس چھوٹے سے کمرے میں چلی آئی جو بابا جانی نے خاص تور پر
نماز کےلئے بنوایا تھا ۔۔۔۔ جب اندر داخل ہوئی تو ان بزرگ کو نماز پڑھتے
ہوئے پایا ۔۔۔۔ وہ اس وقت رکوع کی حالت میں تھے ۔۔۔۔۔ میں بھی جانماز
بچھاکر ان کے پیچھے ہی نماز کے لئے کھڑی ہوگئی ۔۔۔۔۔۔ نماز میں مجھے اتنا
سکون مل رہا تھا وہ ایک نمازی ہی جان سکتا ہے۔۔۔۔۔۔ میں سب کچھ بھلا کر
اپنے رب کی حمد و ثنا وا صلا میں اپنا یہ تازہ غم بھلا بیٹھی ۔۔۔۔۔۔ نماز
سےفراغت کے بعد دعا مانگنے لگی تو آنکھوں میں ڈھیر سا پانی پھر سے در آیا
۔۔۔۔
یارب ۔۔۔۔ بےشک اماں بی اور بابا جانی میرے والدین نہیں تھے ۔۔۔۔۔ لیکن
انہوں نے مجھے اپنی سگی اولاد سے بڑھ کر چاہا ہے ۔۔۔ بےشک میں ان کا خون
نہیں لیکن میں ان کی بیٹی ہی ہوں ۔۔۔۔۔ اور میرے نام کے ساتھ ہمیشہ بابا
جانی کا ہی نام آئے گا کسی اور کا نہیًں ۔۔۔۔ یا اللہ ان کی مغفرت فرما اور
ان کے درجات بلند کر ۔۔۔۔
میں روتے ہوئے دعا مانگتی رہی ۔۔۔۔۔ دعا کے بعد جانماز تہہ کر کے کپ بورڈ
میں رکھی اور ان کے سامنے آکر بیٹھ گئی۔۔۔۔۔۔ وہ انگلیوں کی پوروں پر کچھ
پڑھ رہے تھے ۔۔۔۔ میں خاموش بیٹھی ہوئی تھی ۔۔۔۔۔ ان سے کچھ پوچھے کی ہمت
اپنے اندر جٹا نہیں پا رہی تھی ۔۔۔۔۔۔
میں جانتا ہوں بیٹی تم مجھ سے کیا پوچھنا چاہتی ہو ۔۔۔۔۔
وہ پڑھتے پڑھتے اچانک میری طرف دیکھ کر بولے تھے ۔۔۔۔۔ پر میں خاموش نظروں
سے انہیں دیکھے گئی۔۔۔ انگنت سوال تھے جو مجھے ان سے اور اپنی نام نہاد ماں
سے پوچھنے تھے ۔۔۔۔ میرے دل میں اس عورت کے لئے جو میری حقیقی ماں تھی نہ
ہی محبت تھی اور نہ ہی نفرت ۔۔۔۔
اپنے دل میں بدگمانی کو پیدا ہونے مت دو عائیشہ ۔۔۔۔ اس وقت تک کوئی
بدگمانی ٹھیک نہیں جب تک اصل حقیقت کا تمہیں علم نہیں ہوجاتا ۔۔۔۔
میں چونک کر انہیں دیکھنےلگی ۔۔۔۔۔وہ میری موجودہ کیفیت کو بالکل ٹھیک سمجھ
رہے تھے ۔۔۔۔ کوئی بھی نارمل انسان کو اس طرح کے حالات سے واسطہ پڑے تو
شائد اسکا میری طرح ہی ردِعمل ہو گا ۔۔۔جیسا میں اپنے اندر محسوس کر رہی
تھی ۔۔۔۔۔
کیا آپ مجھے بتانا پسند کرینگے کے ایسی کیا مجبوری اس عورت کو درپیش تھی جس
کی وجہ سے اس نے مجھے کسی اور کےحوالے کر دیا تھا ۔۔۔۔
میں نے تپے لہجے میں ان سےسوال کیا ۔۔۔۔۔
بیٹا کوئی ماں اپنی اولاد کو کسی غیر کےحوالے کرتے ہوئے سو بار سوچتی ضرور
ہے ۔۔۔۔۔۔ اور تمہاری ماں بھی تمہاری بہتری ہی کی خاطر ایسا فیصلہ کرنے پر
مجبور ہو گئی تھیں ۔۔۔۔۔۔
وہ کہتے ہوئے ایک دم میری طرف غور سے دیکھنےلگے ۔۔۔۔ پھر گویا ہوئے ۔۔۔۔۔۔
تم جاننا چاہتی ہو کہ کیوں زاکرہ کےحوالے فاطمہ بی بی نے تمہیں کیا تھا
۔۔۔۔۔تمہاری جان کو خطرہ تھا بیٹا ۔۔۔۔۔
ایسا کیا خطرہ لاحق تھا میری جان کو جو انہوں نے یہ فیصلہ کیا ۔۔۔۔۔ اور
اگر کر بھی لیا تھا تو اب بتا کر ۔۔۔۔ میرے پیروں کے نیچے سے زمیں کیوں
کھینچ لی آپ لوگوں نے۔۔۔۔۔
میں نے جرح کی ۔۔۔۔ تو مسکراتے ہوئے میری طرف دیکھنے لگے اورگویا
ہوئے۔۔۔۔۔۔۔
بیٹی اس کے لئے تمہیں اپنی ماں کی کہانی کو جاننا پڑیگا ۔۔۔۔۔۔۔ تمہاری ماں
کوئی معمولی عورت نہیں ہے اور نہ ہی تمہارے والد کوئی عام اور معمولی انسان
تھے ۔۔۔۔۔۔۔
××××××××××××××
باقی آئندہ ۔۔۔۔۔ |
|