مشکل راستے قسط ٧
(farah ejaz, dearborn, mi USA)
کیا مجھے اوپر جا کر دیکھنا
چاہئے ۔۔۔۔ نہیں جمال انکل ناراض ہوجائنگے ۔۔۔۔۔۔
وہ خود سے سوال کرتا ہوا زینے کے پاس کھڑا تھا ۔۔۔۔۔۔ پھر معلوم نہیں کیا
ہوا کہ قدم خود بخود زینے کی سیڑھیوں پر پڑتے گئے ۔۔اور وہ سانپ کی طرح بل
کھاتی ان زگ زیگ سیڑھیوں پر چڑھتا چلا گیا ۔۔۔۔۔۔ سیڑھیوں کے اختتام پر اس
کے قدم وہیں پر جم کر رہ گئے ۔۔۔۔ یہ پورشن گراؤنڈ فلور اور فرسٹ فلور سے
بالکل مختلف تھا ۔۔۔۔۔۔ جہاں صرف دو کمرے آمنے سامنے بنے ہوئے تھے ۔۔۔۔۔۔
دروازے سنگ مرمر سے بنے تھے ۔۔۔ جو چوڑائی اور لمبائی میں کافی سے زیادہ
بڑے تھے ۔۔۔۔۔ جن پر کارونگ سے پتوں اور پھولوں کا دلکش ڈیزائین بنا ہوا
تھا ۔۔۔۔۔ اور چاندی اور قیمتی پتھروں کا استعمال کیا گیا تھا ۔۔۔۔۔دونوں
کمروں کے بیچ گولائی میں لاؤنج تھا جس کی دیواریں بھی بہت اونچی اونچی تھیں
۔۔۔۔۔۔ ہال نما لاؤنج میں ایک ہی طرح کے چار اونچے اونچے ستون تھے ۔۔۔۔۔۔
جن پر سونے کی دھات سے نقاشی کی گئی تھی ۔۔۔۔۔ نیچے کے پورشن بھی نہایت
خوبصورت تھے لیکن اس پورشن کی بات ہی الگ تھی ۔۔۔۔۔ لاؤنج میں کوئی فرنیچر
نہیں تھا ۔۔۔۔ کھڑکیاں سفید نفیس اور خوبصورت پردوں سے ڈھکی ہوئی تھیں ۔۔۔۔
جن پر سفید ریشمی دھاگے اور چاندی کے تاروں سے کڑھائی کی گئی تھی ۔۔۔۔۔
لاؤنج کے درمیان چھوٹا سا گولائی میں بنا حوض تھا ۔۔۔۔۔ جو اس پورش کی
دلکشی کو مزید بڑھا رہا تھا ۔۔۔۔۔ چاندی کے قندیل نما لالٹین تھوڑے تھوڑے
فاصلے پر رکھے ہوئے تھے ۔۔۔۔۔۔ جن سے ہال نما لاؤنج روشن تھا ۔۔۔۔لیکن اس
پورشن کی خوبصورتی نے اس کے قدم نہیں جکڑے تھے بلکہ حوض کے پاس بیٹھی وہ
آٹھ نو سال کی انتہائی حسین بچی نے اس کے قدم جما دئے تھے۔۔۔۔ وہ حیرت سے
اسے دیکھ رہا تھا ۔۔۔۔ جو اس کی آمد سے بے خبر کسی نادیدہ وجود کے ساتھ
کھیل رہی تھی ۔۔۔۔۔ کبھی ہنستی ، کبھی سر ہلا تی ہوئی اس کی طرف پشت کئے
بیٹھی تھی ۔۔۔۔۔۔۔ وہ حیران کھڑا اسے تکے جا رہا تھا ۔۔۔۔۔۔۔ ایک دم وہ
اپنی جگہ سے کھڑی ہوئی اور اس کی طرف پلٹی اور مسکراتی ہوئی چھوٹے چھوٹے
قدم اٹھاتی اس کے نذدیک آکر کھڑی ہوگئی ۔۔۔۔۔۔ ہونٹوں پر دلفریب مسکراہٹ
۔۔۔۔۔۔۔ اور چمکتی روشن بڑی بڑی بادامی سیاہ کالی آنکھیں جن میں نرمی اور
اشتیاق کے رنگ نمایا تھے ۔۔۔۔۔۔
آ۔۔۔۔آآ آپ کھ کون ہیں ۔۔۔۔۔۔ اور یہاں کیا کر رہی ہیں۔۔۔۔۔۔
وہ اٹکتے ہوئے اس بچی ے پوچھنے لگا ۔۔۔۔۔۔
واہ سلام تو کیا نہیں اور لگے ہمارا انٹرویو لینے ۔۔۔۔ ارے سلام تو کریں
۔۔۔۔۔ پھر بتائنگے کہ ہم کون ہیں ۔۔۔۔ بے بے کہتی ہیں ایک مسلمان جب دوسرے
مسلمان سے ملے تو اسے پہلے سلام کرنا چاہئے ۔۔۔۔۔ اس سے برکت ہوتی ہے ۔۔۔۔
شیطان دور بھاگتا ہے ۔۔۔۔ چلیں ہم ہی پہل کر کے ثواب کما لیتے ہیں ۔۔۔۔
اسلامُ علیکم صلاح الدین ۔۔۔۔ آپ کیسے ہیں ۔۔۔۔۔۔ بہت خوشی ہوئی آپ کو یہاں
دیکھ کر۔۔۔۔۔
وہ ایک ہی سانس میں اتنا کچھ بول گئی تھی اور وہ شرمندہ سا ہوگیا تھا اس کی
بات سن کر ۔۔۔۔
ارے اب آپ سلام کا جواب تو دیں ۔۔۔۔۔۔
وا وعلیکم اسس سلام ۔۔۔۔۔ مم میں ٹھیک ہوں ۔۔۔۔۔۔
ہاں یہ بات ہوئی نا ۔۔۔۔۔۔۔
وہ خوشی سے تالی مارتے ہوئے بولی۔۔۔۔۔۔
بے بے دیکھیں کون آیا ہے ۔۔۔۔۔۔۔۔۔
وہ پیچھے گردن موڑھ کر کسی کو دیکھنے لگی ۔۔۔۔ وہ بھی اس کے پیچھے دیکھنے
لگا ۔۔۔۔ لیکن کوئی نظر نہیں آیا ۔۔۔۔۔۔
لیکن یہاں کوئی نہیں ہے ۔۔۔۔۔ آپ کس سے بات کر رہی ہیں ۔۔۔۔۔۔
بے بے سے اور کس سے ۔۔۔۔۔ چلو آؤ تمہیں بے بے سے اپنی ملاتی ہوں ۔۔۔۔۔ وہ
تم سے مل کر بہت خوش ہونگی ۔۔۔۔
وہ بے تکلفی سے اس کا ہاتھ پکڑتے ہوئے بولی ۔۔۔۔۔۔ اور اس کا ہاتھ تھامے
اسے حوض کے پاس لے آئی ۔۔۔۔
بے بے دیکھیں یہ صلاح الدین ہے ۔۔۔ وہی صلاح الدین جس کے بارے میں ابو جی
نے بتایا تھا ۔۔۔۔۔ کتنا بڑا لیکچر دیا تھا آپ کو اور مجھے ۔۔۔۔۔ کہ سامنے
نہیں آنا ۔۔۔۔۔۔۔ میرے دوست کا بیٹا آرہا ہے ۔۔۔۔۔
وہ ہنستے ہوئے سامنے کسی اندیکھے وجود سے بول رہی تھی ۔۔۔۔۔۔ مگر صلاح
الدین کو وہاں اسکے اور اپنے علاوہ کوئی نظر نہیں آیا ۔۔۔۔۔ اسے حیرت ہورہی
تھی ۔۔۔۔۔۔۔ اور ڈر بھی لگ رہا تھا ۔۔۔۔ کیا میں خواب دیکھ رہا ہوں ۔۔۔۔۔
ہاں شائد یہ سب خواب ہی جیسا لگ رہا ہے ۔۔۔۔۔۔۔ اس نے ایک دم سے اپنی
آنکھیں بند کرلیں ۔۔۔۔۔
اے بیٹا ! آنکھیں تو کھولو ۔۔۔۔۔ یہ آنکھیں کیوں بند کرلیں تم نے اپنی
۔۔۔۔۔۔۔
کسی عورت کی آواز سن کر اس نے پھٹ سے آنکھیں کھول دیں ۔۔۔۔۔۔۔
لگتا ہے بے بے کھڑے کھڑے سوتے ہیں جناب ۔۔۔۔۔۔
نہیں بی بی ایسے تو نہ کہو ۔۔۔۔ صاحب کے دوست کا بیٹا ہے ۔۔۔۔۔۔۔ بہت چاہنے
لگے ہیں صاحب اسے ۔۔۔۔۔
وہ عورت پیار سے اسے منع کرتے ہوئے بولی ۔۔۔۔۔ سفید کاٹن کے نفیس کرتا
شلوار میں ملبوس وہ عورت پینتیس یا چالیس سال کی عمر کی لگ رہی تھی ۔۔۔۔۔۔۔
وہ حیرت سے اسے دیکھ رہا تھا ۔۔۔۔۔۔ ابھی اپنے اور اس لڑکی کے علاوہ اسے
کوئی نظر نہیں آرہا تھا ۔۔۔۔اور اب وہ عورت اللہ جانے کہاں سے ٹپک پڑی تھی
۔۔۔۔ پندرہ یا بیس سکنڈ ہی ہوئے اسے آنکھیں بند کئے ۔۔۔۔۔ اور چھلاوے کی
طرح وہ عورت ان کے درمیان موجود تھی ۔۔۔ اور وہ اسی جگہ کھڑی تھی جہاں دیکھ
کر وہ لڑکی اپنی بے بے کے نادیدہ وجود سے باتیں کر رہی تھی ۔۔۔۔
××××××××××××××××××××
وہ اب واقعی ڈر گیا تھا ۔۔۔۔۔ اس کے جسم کے تمام روئیں کھڑے ہوگئے تھے
۔۔۔۔۔۔ وہ لڑکی اور اس کی بے بے اسے کافی پرسرار لگ رہی تھیں ۔۔۔۔۔۔ اس کا
پورا جسم خوف سے لرز رہا تھا۔۔۔۔۔
ڈرو مت صلاح الدین تم تو بہت بہادر لڑکے ہو ۔۔۔۔۔ پھر ڈر کیوں رہے ہو
۔۔۔۔۔۔ کیا مجھ سے ڈر لگ رہا ہے ۔۔۔۔۔
اس عورت کی بات پر وہ اقرار میں سر ہلانے لگا ۔۔۔۔۔
اے لو ! بی بی کیا ہم بھوت پریت ہیں جو یہ ہم سے ڈر رہا ہے ۔۔۔۔۔۔۔
انگلی اپنی ٹھوڑی پر رکھتے ہوئے وہ ناراض لہجے میں بولیں تو وہ لڑکی ہنس دی
۔۔۔۔۔۔
بے بے آپ بھی نہ کمال کرتی ہیں ۔۔۔۔۔ آہستہ آہستہ ھی ان کا ڈر ختم ہوگا نا
۔۔۔۔۔۔۔ دیکھیں آپ ہم سے ڈرئیے مت ۔۔۔ ہم آپ سے دوستی کرنا چاہتے ہیں آپ کو
ڈرانا تھوڑی چاہتے ہیں ۔۔۔۔۔
وہ اس کی طرف دیکھ کر سمجھانے والے انداز میں بولی ۔۔۔۔۔۔۔
کیا آپ مجھ سے دوستی کروگے ۔۔۔۔۔۔ میرا کوئی دوست نہیں ہے ۔۔۔۔۔ ابو جی
مجھے کسی سے بھی ملنے نہیں دیتے ۔۔۔۔لیکن آپ سے دوستی کرنے سے منع نہیں
کرینگے ۔۔۔۔۔۔ آپ کو تو وہ بہت چاہتے ہیں نا ۔۔۔۔۔۔
وہ معصومیت سے کہتی ہوئی اسے بہت پیاری سی گڑیا لگی ۔۔۔۔۔۔
آپ کک کے اببو کون ہیں ۔۔۔۔ کیا میں انہیں جانتا ہوں ؟ ۔۔۔۔۔۔۔۔
ارے آپ انہیں بہت اچھی طرح جانتے ہیں ۔۔۔۔۔۔۔۔ جمال شاہ نام ہے ان کا
۔۔۔۔۔۔۔
لڑکی بڑے فخریہ لہجے میں بولی تو وہ حیرت سے اسے دیکھنے لگا ۔۔۔۔۔۔۔۔
مگر انکی تو کوئی بیٹا بیٹی نہیں ہے ۔۔۔۔۔۔ وہ تو اکیلے رہتے ہیں ۔۔۔۔۔۔۔۔
وہ ایک دم حیرت سے بولا تو وہ لڑکی خاموش سی ہوگئی ۔۔۔۔۔
اللہ میری بی بی کو سلامت رکھے آمین ۔۔۔۔۔۔۔ صاحب کی اکلوتی اولاد ہیں یہ
۔۔۔۔۔ اگر صاحب کسی کو نہیں بتاتے تو اس کی بھی بڑی وجہ ہے ۔۔۔۔۔۔
بے بے آنسو اپنے دوپٹے سے پونچھتے ہوئے بولیں ۔۔۔
بے بے ابو جی نے منع کیا ہے نا کے کسی کو نہیں بتانا ہے تو اب آپ کیوں
پرانی باتیں لے کر بیٹھ گئی ہیں ۔۔۔۔۔
وہ اداس لہجے میں بے بے سے بولی تو وہ حیرت سے ان دونوں کو دیکھنے لگا
۔۔۔۔۔۔
آپ جمال انکل کی بیٹی ہیں ۔۔۔۔۔۔
وہ حیرت سے بولا ہی تھا کہ ۔۔۔۔۔۔۔۔۔
تم یہاں کیا کر رہے ہو ۔۔۔۔۔۔
جمال شاہ کی آواز پر وہ تینوں جو زینے کی طرف پشت کئیے کھڑے تھے ایک دم
پلٹے تو سامنے جمال شاہ کو کھڑے پایا ۔۔۔۔۔۔ وہ اس وقت سخت غصے میں لگ رہے
تھے ۔۔۔۔۔۔۔
ابو جی ۔۔۔۔۔۔
وہ بس اتنا ہی بول پائی ۔۔۔۔۔۔
مجھے تم سے یہ امید نہیں تھی صلاح الدین ۔۔۔۔۔۔ میرے منع کرنے کے باوجود تم
یہاں آگئے ۔۔۔۔۔۔
وہ سخت لہجے میں اس سے مخاطب تھے ۔۔۔۔ اور وہ چپ چاپ سر جھکائے کھڑا تھا
۔۔۔۔۔۔ ہزاروں سوال تھے جو وہ انسے کرنا چاہتا تھا ۔۔۔۔ لیکن وہ سنے کےموڈ
میں نہیں تھے ۔۔۔۔۔
ابو جی انکی غلطی نہیں ہے ۔۔۔۔ ہم نے انہیں یہاں آنے پر مجبور کییا تھا
۔۔۔۔۔
وہ بولی تو وہ غصے سے اسے دیکھنے لگے ۔۔۔۔۔
میں نے تمہیں منع کیا تھا نا فاطمہ ۔۔۔۔۔۔ تمہیں کسی کے سامنے نہیں آنا ہے
۔۔۔۔۔۔ کسی سے بات نہیں کرنی ہے ۔۔۔۔۔ تم نے مجھے بہت Disappoint کیا ہے
۔۔۔۔۔۔۔
ابو جی میرے پیارے ابو جی ۔۔۔۔۔ یوں ناراض نہ ہوں آپ مجھ سے ۔۔۔۔ میں بہت
بور ہوگئی تھی ۔۔۔۔۔ اس لئے ایسی غلطی کر بیٹھی ۔۔۔۔۔
ڈھیر سارا پانی آنکھوں میں لئے وہ باپ کے پاس کھڑی انہیں منانے کی کوشش کر
رہی تھی ۔۔۔ اسے یوں روتا دیکھ کر جمال کے دل کو بھی کچھ ہونے لگا تھا
۔۔۔۔۔۔۔ لیکن وہ اس سے کچھ بولے نہیں ۔۔۔۔۔۔۔
صلاح الدین چلو ۔۔۔۔۔۔
وہ صلاح الدین کو کہتے ہوئے جانے کے لئے پلٹے ۔۔۔۔۔ تو وہ سر جھکا کر انکے
پیچھے سیڑھیاں اترتا چلا گیا ۔۔۔۔
بی بی ہمیں صاحب کی اجازت کے بغیر صلاح الدین کو اوپر نہیں بلانا چاہئے تھا
۔۔۔۔۔ پتا نہیں اب بیچارے کو کتنی ڈانٹ پڑے گی ۔۔۔۔۔۔
بے بے افسردہ لہجے میں بولیں تو وہ صرف اداس نظروں سے انہیں دیکھنے لگی
۔۔۔۔۔ لیکن کچھ بولی نہیں ۔۔۔۔۔
×××××××××××××××××
باقی آئندہ ۔۔۔۔۔۔۔۔۔۔ |
|